MP3 jaitsi (29 Mo)

Uda guziz dantza herriko plazetara ateratzen da, eta plazak animatzen ibiliko da oraino Patxi eta Konpania taldea. Panpi Gerard esku soinuan, Mikel Perez gitarra eta biolinean, Jimmy Arrabit baterian, eta Patxi Perez animazioan eta txirula jotzen.

Patxi Perezekin, Panpi Mercapidek aipatu du udako dantza giroa. Plaza bat deskubrituko du taldeak gainera, Baionako bestetan ariko baita konpainia uztailaren 12an, 12:30tan Patxa plazan.

MP3 jaitsi (24 Mo)

Uztailaren 9tik 13ra Baionako bestetan Patxa plazan bezala, euskarak eta euskal kulturak bere arnasgunea izanen du Karrikaldin, Jacques Portes plazan.

Dantza eta kantuaz gain, makilari, Pontx pailazoa eta ziganteak ere agertuko dira. Berrikuntza batzu ezagutuko ditu guneak, arno dastaketa bezala, karaokaldia edota zinta dantza erraldoia ere adibidez.

Lucille Darrigrand eta Guillaume Irigoien antolatzaileekin egon da Panpi Mercapide.

MP3 jaitsi (23 Mo)

Seaskak, 8-11 urte artekoei zuzendua den errugbi ikastaldi bat proposatzen du uztail hastapen honetan.

Azken urteetan egin ohi duen bezala, Seaskak, ipar Euskal Herriko ikastolen federakuntzak, errugbi ikastaldiak proposatuko ditu uztail hastapen honetan. Berezitasuna, ikastaldiak euskara hutsean eginen direla. 8-11 urte artekoei zuzendua. Uztailaren 7 eta 8an, goizeko 9etatik arratsaldeko 5ak arte, errugbiaz gozatzen ahalko dute. Prezioa 50€ko da eta izen emaite edo xehetasunak: 05 59 52 49 24 edo seaska@ikastola.eus helbidera idatziz.

MP3 jaitsi (24 Mo)

Hind Rajab tituluarekin kantu bat argitaratuko du ekainaren 26an ostegun gauez, Ibantutak, Itxaro Bordak idatzi hitzekin, Odei-en slam parte batekin, bideo klipa ere ekoitzi du gainera azken honek eta Fred Faure perkusioetan.

Hind Rajab, 2024 hastapenean, Israelek erail zuen 5 urteko neskato bat da. Herri baten sufrimenduaren sinbolo gisa hartu du Ibantutak, kantu baten sortzeko, Zizpa gaztetxean aurkeztuko duena zuzenean 20:30tan, eta tenore berean, sarean jarriko du bideoklipa.

Gaualdi hortan gainera, Baionako San Izpiritu auzoko musikari desberdinek kolaboratuko dute kantu batzuetan: Lolita Delmonteil, Haira, Ekhi Lambert eta Yohann Villanua. Medical Aid For palestine erakundearentzat izango dira gaualdiko etekinak. Ibantutarekin hitz egin du Arantxa Idiederrek.

MP3 jaitsi (26 Mo)

Ekainaren 21a, udako lehen eguna, eta musikaren besta hainbat herritan.

Larunbatez gertatzen zen aurten, eta Baionako herrian goizetik kontzertuak proposatzen zituzten xoko guzietan. Herriko etxearen egitaraua, bainan elkarte eta ostatuena ere, musika ez zen falta. Holako egunetan, musikak eta musikariek hartzen dute karrika. Arantxa Idieder ibili da karriketan gaindi, eta musikari edota festalari pare batekin hitz egin du, tartean Samba Badago Hernani aldeko taldearekin.

MP3 jaitsi (17 Mo)

Ekainaren 22an iraganen da Saran gaindi usaiazko Sara Oinez mendi ibilaldia. Har Hitza elkarteak du antolatzen, eta berriz errepikatzen du ez dela lasterketa, baizik eta ibilaldi soila.

Denborak ez dira konduan hartuko, eta abiatzeak ere ez dira tenore finkoetan eginen baizik eta oren erdiko tarte batean. Bi ibilali proposatzen dituzte, bata 27kilometrokoa, eta bestea 11 kilometrokoa, biak Sarako plazatik abiatuko dira; 6:30tan lehena 8:30tan bigarrena. Izen emaiteak lekuan beran eginen dira. Marie Pierre Pradere antolatzailearekin solastu da Olatz

MP3 jaitsi (27 Mo)

Hazparneko bestak ostiralean ekainaren 20an abiatzen dira, 23an bururatzeko.

Hiru eguneko egitaraua, Ttattola gaztetxearen proposamenekin osatzen dutena. Ezkurren lasterketarekin hasiko dira bestak, eta gauean bertan gaztetxean kontzertuak izango dira Aho Zakil Konexion, Ezpalak eta AKTS-ekin. Larunbateko eguneoko animazioen ondotik gauean, Janus Lester, Dupla eta Holako Deluxe taldeak ariko dira. Presoen bazkaria ere antolatzen du gaztetxeak igande eguerdian, izena emateko telefono honetara deitu behar da: 06 36 05 64 15.

Xermin Etxebarne, besta hauen antolaketetan aritu da besta komitearekin, eta gaztetxearekin, Arantxa Idiederrek harekin hitz egin du.

MP3 jaitsi (15 Mo)

Momentuz, Zesta puntan ari diren haurrek bakarrik jokatzen ahalko dute Berritxu xistera berriarekin.

Lan orenak eta prezioa apaltzeko asmoz, osoki zumez egin ordez, zura baliatu dute tresnaren parte batzuetan. Tresna aurkeztearekin batera, pilota arloko materialgintzan dagoen gabezia azpimarratu du Eskutik kooperatibak. Aritz Erkiaga, Puntista profesionala, Euskal Selekzioarekin munduko txapeldun izan berri da. Saran zen joan den larunbatean eta badaki zertan den egoera.