2019ko Ekainaren 06a
Benoit Lavigne eta If Matxikote Uztaritzeko Alboka joleak Gure Irratian.
18. Euskal Herriko albokarien topaketa herrikoia iraganen da larunbat honetan Uztaritzen. Duela urte pare bat, herritar batzu hasi ziren musika tresna hau jotzen ikasten Lapurdiko hirian.
Horietan Benoit Lavigne eta If Matxikote. Azken hunek Panpiri erran dio nola jin zitzaien gogoa alboka jotzeko. Egunaren egitaraua hemen.
Nicolas Armendariz
Baionako Cordeliers karrikaren 25.ean, ostatu ilun bat ezagutu dutenek, artista tailer argi eta zabal bat ikusiko dute orai.
Züzülü deitu gunea ideki du Nicolas Armendarizek, lekuaren jabe berriak. Pott serigrafia enpresaren tailerrak hor atxiki ditu, eta hor dira ere beste 4 kide berri eta kafetegi xoko bat ere idekiko du.
Leku goxo bat nahi du izaitea Nicolas Armendarizek, proiektua aurkeztu dio Panpi Mercapideri:
2020eko Abenduaren 21a
Herriko biziari integratu nahi du Alain Iriartek Lissague eremua / EPFL
11 garren mendeko LISSAGUE eremuaz jabetu berri da Hiriburuko herriko etxea.
Herri erdian dago, Basté-Quieta auzoan - kasik 2 hektareako eremua du, parke handiarekin jauregitto bat eta kapera bat ere bai.
Hortaz gehiago galdegin dio Kriztof Arotzarenak, Alain Iriart Hiriburuko auzapezari.
2020eko Abenduaren 18a
Lola Darraïdou langilearen ondoan Sébastien Bidart okindegiko jabea / GURE IRRATIA
Hazparneko Bidart familiak, beste okindegi bat ideki berri du. OGI BIHIA izena du, eta lehengo Lur Berriren lekuan da.
Christophe eta Sébastien anaiek, aitaren segida hartu dute.
Saltegi eta labetegi berria bisitatu du Kriztof Arotzarenak, Sébastien Bidart gidari.
2020eko Abenduaren 18a
Aña Andiazabalekin Arrosan Iletegiaren instalatzea zertan den aipatu dugu / GURE IRRATIA
Sarako iletegia enpresa Arrosarat joanen da ondoko hilabeteetan.
Gaur egun nola doan enpresa, ekoizpen berriak, urte ondarreko opari ideiak ere aipatu ditu Aña Andiazabal Iletegikoak Panpi Mercapiderekin. Webgune berria estrenatu dutelarik.
Jakin larunbat honetan ILETEGIA irekia izanen dela, 10:00etatik 12:30tara eta 15:00etatik 17:30tara.
2020eko Abenduaren 18a
Donibane Lohizune eta Ziburu arteko portua /stjeandeluz.fr
Ostiralero 8:45ean Jamattitt Dirassar laguntzailearen berriak.
2020eko Abenduaren 18a
Mixel Legagnoa biper ekoizlearen erranetan aurtengo uzta ona izanen da / GURE IRRATIA
Abendu hastapenean izan ohi da biper biltzearen bukaera. Alta aurten, 15 egunez luzatzeko baimen berezia izan dute Ezpeletako biper ekoizleek. Ez da Pandemiarengatik, baizik eta uda biziki idorra izan dugulako.
Olatz Idoate, Biperraren sor markako kide den Mixel Legañoa ezpeletarrarekin egon da.
2020eko Abenduaren 18a
Lehen biolina izanki, Marina Beheretxek Iparraldeko Orkestra Sinfonikoan rola garrantzitsuenetakoa du / GURE IRRATIA
Baionako musika kontserbatorioan batzuek klaseak berriz abiatu dituzte, profesionalizatze ibilbidean direnek adibidez. Bainan besteek interneten bitartez segitzen dituzten, sarean.
Marina Beheretxe biolin irakaslea da, eta Iparraldeko Orkestra Sinfonikoan lehen biolin postua du ere. Azaro hastapeneko, Orkestrak prestatu zuen kontzertua publikoari ezin idekia, France 3ak filmatu ondoan urte bukaeran hedatuko dute frantses telebistan.
Arantxa Idieder haren gana hurbildu da horiek aipatzera.
2020eko Abenduaren 11a
Maiana Hegirekin hitzordua webgunearen bitartez ere hartzen ahal duzue / GURE IRRATIA
Lekorne gainean kokatua den Pospolin estetika arta etxera hurbildu gira. Konfinamendu garai desberdinen ondotik, berriz ideki du berriki Maiana Hegik edertegia.
Duela 7 urte instalatu zuen bere etxean, emazteentzat xoko goxoa izan nahi zuen Bio edertasun etxea. Depilazioak, makillatzeak, irudi aholkuak eta masajeak proposatzen ditu.
Arantxa Idieder joan da Maiana Hegiren edertasun etxearen bisitatzera… Irudi aholkuen artean, proposatzen duen kolorimetria zer den esplikatu dio.
2020eko Abenduaren 11a
1981 2021
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen.
Berriz ere obrak egin artean, Gure Irratia, Uztaritzeko herriko etxeak prestatu egoitza batean da eta 2009ko azaro ondarreko gure lehengo egoitzarat itzultzea.
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita : Ihintza Arrieta kazetaria. Aipaldia : Ttur Ttur Tur encierro ttiki. LasterK : Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia : Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Nortasun fitxa
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016