BERRIAK

Ahuntzen lapar gosea erabiliz, suak saihestu

2021eko Apirilaren 02a

Ahuntzen%20lapar%20gosea%20erabiliz%5F%20suak%20saihestu

Peio Olzomendik Rove arrazako ahuntzak ditu / GURE IRRATIA

MP3 jaitsi (24 Mo)

2020ko sutearen ondotik, Xibertako oihanaren berreraikitze lanetan, suteak saihesteko zer egin behar den ere gogoetatzen ari dira.

Uztaileko sutearen hedatzearen jatorrian ziren sasi laparren ttipitzeko, entsegu gisa, ahuntzak eman dituzte Angeluko oihan zati batean.

Departamenduaren esku den "Ihiztarien Oihana" deitu lur zatia hetsi dute esperientziarako, eta Peio Oltzomendiren 20 ahuntz eta 9 pittika lanean jarri dituzte urtarriletik.

Bi hilabete eta erdi berantago, kasik 3 hektareako eremuan ongi jan eta beraz garbitu dute jada. Arantxa Idieder bertara hurbildu da, Peio Olzomendirekin oihanaren itzulia egiteko.


Email Buffer Facebook Google Twitter Pinterest LinkedIn Digg StumbleUpon Tumblr

BERRIAK

Jean Paul Larteguy ohitzen hasten da bere esku bionikoari

Jean%20Paul%20Larteguy%20ohitzen%20hasten%20da%20bere%20esku%20bionikoari

Jean Paul Larteguy urte hastapenetik esku mekanizatuarekin da / GURE IRRATIA

MP3 jaitsi (20 Mo)

Jean Paul Larteguy Itsasuarra, Errobi Lurralde eremuko harrerako langilea da. Sortzetik ezkerreko eskuan urritasun bat badu. Baina otsailetik, esku bioniko berri bat emaiten du eta kuriositatea sortzen du bere esku berriak.

Ez bada ohikoa, bizi berri bat abiatzen ahalko du, eta bereziki motoko permisa pasatzen ahalko du esku berri horri esker.

Panpi Mercapide harekin bildu da.


2021eko Apirilaren 06a

BERRIAK

Herriko ogi labea berriz piztuko dute Lekornen

Herriko%20ogi%20labea%20berriz%20piztuko%20dute%20Lekornen

Patxi Queheille eta Arantxa Uhalde burasoak / GURE IRRATIA

MP3 jaitsi (18 Mo)

Ogi labea berriz piztuko dute Baigura ikastolako burasoek, apirilaren 11an, etxerat eramaiteko ogia eta menu oso bat proposatuko baitute. Lasagnak, entsalada eta panakota 12eurotan. Apirilaren 7ko beharko dira manaketak egin.

Bi urtez ez dute besta egin ahal izan, eta aurten egoerari egokituz manera desberdinez eginen dute, Arantxa Uhalde eta Patxi Queheille burasoek erran daukuten bezala.


2021eko Apirilaren 02a


BERRIAK

Senegaleko Yassa oilaskoa Beskoitzeko ikastolaren alde

Senegaleko%20Yassa%20oilaskoa%20Beskoitzeko%20ikastolaren%20alde

Erreserbatzeko b.ikastola@homail.com helbidera idazten ahal duzue apirilaren 6a aitzin.

MP3 jaitsi (15 Mo)

Yassa oilaskoa irrisa eta bixkotxarekin proposatuko dute Beskoitzeko ikastolan apirilaren 10ean. Manaketak apirilaren 6a gabe beharko dira egin.

Julen Jauregi ikastolako burasoak, Panpi Mercapideri xehetasunak eman dizkio.


2021eko Apirilaren 02a

BERRIAK

Ainara Azpiazu ilustrazio lanetan haurrekin

Ainara%20Azpiazu%20ilustrazio%20lanetan%20haurrekin

Ainara Azpiazu Axpi ilustratzailea Baionako Oihana ikastolan / GURE IRRATIA

MP3 jaitsi (30 Mo)

Urte guziz Bouquinville ttikia haur literatura festibala antolatzen du Baionako Libreplume elkarteak. Aurten, pandemia dela eta, arramoldatu dute.

Hala ere, eskolekin ari dira elkarlanean beti. Joan den astean, Baionako Oihana ikastolarekin eraman proiektua bururatu dute.

Urtero bezala, euskal idazle bat eta ilustratzaile bat etorrarazten dituzte, tailer batzuen eskaintzeko. Lehen egunean, Arrate Egaña idazlea egon da ikastolaneta biharamunean, Ainara Azpiazu ilustratzailea.

Ainara Azpiazuren klasea segitu du Kriztof Arotzarenak.


2021eko Apirilaren 02a



BERRIAK

Kukuxoak haurtzaindegia hedatzekotan

Kukuxoak%20haurtzaindegia%20hedatzekotan

Aurélie Bellecave haurtzaina irratira hurbildu da / GURE IRRATIA

MP3 jaitsi (15 Mo)

Lekorneko "Kukusoak" haurtzaindegia ttikiegia da.

Gaur egun hogei bat familia hartzen ditu Basoitia auzoan, baina galdea haundia da, bigarren haurtzaindegi baten proiektua ongi aintzinatua dute. Gerezieta auzoan, beste hamar haurrendako lekua izanen daiteke heldu den urteko sartzerako.

Aurélie Bellecave langilea, Olatz Idoarekin dugu.


2021eko Apirilaren 02a

BERRIAK

Ixo jantzi marka berria ezagutzera

Ixo%20jantzi%20marka%20berria%20ezagutzera

Hiru lagunek sortu dute Ixo marka.

MP3 jaitsi (12 Mo)

Emilie Lansaman, Margot Saussie eta Lisa Leroy-k, furgoneta road-trip batean, tokiko jantzi marka bat sortu dute. Haien lehentasuna, ingurumena errespetatzea dela diote, kalitatezko produktoak erabiliz.

Abentura hasi zuten duela gutti, Lisa Leroy Alan Elizondorekin solastatu da.


2021eko Apirilaren 02a


BERRIAK

Anttonittoeneberria etxean instalatu da Musikas musika eskola

Anttonittoeneberria%20etxean%20instalatu%20da%20Musikas%20musika%20eskola

Pantxika Artola Musikas eskolako zuzendaria / GURE IRRATIA

MP3 jaitsi (22 Mo)

Anttonittoeneberria” etxean da urte hastapen honetatik, MUSIKAS Errobi lurraldeko musika eskolaren egoitza nagusia. Arruntzako elizaren ondoan da, 2018ko larrazkenetik hutsa zen etxea, Antton Etxegorri azken egoilierra zendu ondotik.

Jakinez musika elkartea aterbe berri baten bila zabilala, Uztaritzeko herriko etxeak egoitza hori proposatu dio.

MUSIKAS hobeki ezagutzeko, Pantxika Artola zuzendaria eta Erika Lavilar Isasi triki irakaslearekin mintzatu da Kriztof Arotzarena.


2021eko Martxoaren 30a

BERRIAK

Bost Axola taldea disko berria prestatzen ari da

Bost%20Axola%20taldea%20disko%20berria%20prestatzen%20ari%20da

Bost Axola taldeko kideak / BOST AXOLA

MP3 jaitsi (21 Mo)

Urruñan, emazte talde batek berpizten du bere lehen diskoaren proiektua, konfinamenduaren gatik itzali zena.

Elena Clerc, Haizea Gonzalez, Audrey eta Eloïse Salaberry, Alaitz Régérat kantariek, Euskal Herriko klasikoak gehienetan a capella emaiten dituzte baina beste hizkuntzetan ere bai.

Alan Elizondo Alaitz Regerat eta Haizea Gonzalezekin solastatu da.


2021eko Martxoaren 26a




Gure Irratia, bidea eginez

1981 2021

Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen.

Berriz ere obrak egin artean, Gure Irratia, Uztaritzeko herriko etxeak prestatu egoitza batean da eta 2009ko azaro ondarreko gure lehengo egoitzarat itzultzea.

Gure Irratiak 8 langile ditu denbora osoz urte osoan eta laguntzaile sare zabala du.

Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.

1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.

2009 | Egoitza berritura itzultzen

Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita : Ihintza Arrieta kazetaria. Aipaldia : Ttur Ttur Tur encierro ttiki. LasterK : Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia : Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.

(Milesker Kanaldude-ri egindako bideoagatik)

Nortasun fitxa

  • Izena: Gure Irratia
  • Sorturtea: 1981
  • Sorlekua: Milafranga
  • Kokapena: Uztaritze - Landagoien
  • Frekuentziak: 106.6 MHz | 90.5 MHz [hego Lapurdi]
  • Langile kopurua: 8

Gurekin harremanetan sar




segurtasun kodea

Gure Irratia - Landagoien - 64480 UZTARITZE | tel: 05 59 59 30 01

Legezko oharrak | Diseinua eta programazioa iF Diseinuak - 2016