2024ko Uztailaren 18a
Kemen, Joana eta Xabi komiteko kideak / GURE IRRATIA
Uztaritzeko bestak gaur hasten dira igandera arte!
Kilimak eta Xiberoots ostiraleko kontzertuen afixan dira / larunbateko futbol lehiaketa eta zikiroa / igandeko herritarren eguna kari, bertso eta dantza…denetarik denentzat izanen da.
Besta komiteko 3 kiderekin mintzatu da Kriztof Arotzarena.
Iñaki Martiarena “Mattin” ilustratzailea, Kamishibai artean berezitu da / MATTIN
Iñaki Martiarena “Mattin” marrazkilari eta ilustratzailea Kanboko mediatekan izango da larunbat honetan uztailaren 12an, Kamishibai tailer bat proposatzeko.
Gipuzkoako komikigileak liburu anda atera du tartean duela pare bat urte KAMISHIBAIZALEA izenekoa. Euskal Haur eta Gazte Literaturako hainbat liburu ilustratu ditu ere.Kanboko mediatekan, 5 urtetik goragoko haurrei zuzendu Kamishibai tailerra, urririk, proposatuko du.
Iñaki Martiarena “Mattin” ilustratzailearen Kamishibai tailerrean izena emateko deitu Kanboko mediatekara: 05 59 93 50 70
2025eko Uztailaren 10a
Fabien Mendiboure 'Mottel' Patxondo peñako kidea / GURE IRRATIA
Baiona besta giroan sartzen ari da. Herriko langileak, hesiak muntatzen bazterren babesteko, eta ostalariak beren ostatuen txukuntzen ari dira. Denbora berean peña edo elkarteak ere prestaketa lanetan, lan ta lan ari dira.
Patxa plazan den Patxondo peñak ere lan txandak beteak ditu 4 egunez irekitzeko, eta larunbateko eguna utzi diote Gure Irratiari, elkartasunez. Fabien Mendiboure, Patxondo peñako kidearekin, Panpi Mercapidek aurtengo egitaraua aipatu du.
2025eko Uztailaren 04a
Patxi Perez hiru musikariz inguratuta, dantzak irakasten eta animatzen ibiltzen da / GURE IRRATIA
Uda guziz dantza herriko plazetara ateratzen da, eta plazak animatzen ibiliko da oraino Patxi eta Konpania taldea. Panpi Gerard esku soinuan, Mikel Perez gitarra eta biolinean, Jimmy Arrabit baterian, eta Patxi Perez animazioan eta txirula jotzen.
Patxi Perezekin, Panpi Mercapidek aipatu du udako dantza giroa. Plaza bat deskubrituko du taldeak gainera, Baionako bestetan ariko baita konpainia uztailaren 12an, 12:30tan Patxa plazan.
2025eko Uztailaren 04a
Karrikaldin, animazioez gain jatekoa eta edatekoa ere bada / BAYONNE.FR
Uztailaren 9tik 13ra Baionako bestetan Patxa plazan bezala, euskarak eta euskal kulturak bere arnasgunea izanen du Karrikaldin, Jacques Portes plazan.
Dantza eta kantuaz gain, makilari, Pontx pailazoa eta ziganteak ere agertuko dira. Berrikuntza batzu ezagutuko ditu guneak, arno dastaketa bezala, karaokaldia edota zinta dantza erraldoia ere adibidez.
Lucille Darrigrand eta Guillaume Irigoien antolatzaileekin egon da Panpi Mercapide.
2025eko Uztailaren 02a
Paxkal Iriart euskarazko errugbi ikastaldien arduraduna / GURE IRRATIA
Seaskak, 8-11 urte artekoei zuzendua den errugbi ikastaldi bat proposatzen du uztail hastapen honetan.
Azken urteetan egin ohi duen bezala, Seaskak, ipar Euskal Herriko ikastolen federakuntzak, errugbi ikastaldiak proposatuko ditu uztail hastapen honetan. Berezitasuna, ikastaldiak euskara hutsean eginen direla. 8-11 urte artekoei zuzendua. Uztailaren 7 eta 8an, goizeko 9etatik arratsaldeko 5ak arte, errugbiaz gozatzen ahalko dute. Prezioa 50€ko da eta izen emaite edo xehetasunak: 05 59 52 49 24 edo seaska@ikastola.eus helbidera idatziz.
2025eko Uztailaren 02a
Ibantuta musikaria eta Odei raplaria eta bideogilea, Hind Rajab kantuaren klip grabaketan / IBANTUTA
Hind Rajab tituluarekin kantu bat argitaratuko du ekainaren 26an ostegun gauez, Ibantutak, Itxaro Bordak idatzi hitzekin, Odei-en slam parte batekin, bideo klipa ere ekoitzi du gainera azken honek eta Fred Faure perkusioetan.
Hind Rajab, 2024 hastapenean, Israelek erail zuen 5 urteko neskato bat da. Herri baten sufrimenduaren sinbolo gisa hartu du Ibantutak, kantu baten sortzeko, Zizpa gaztetxean aurkeztuko duena zuzenean 20:30tan, eta tenore berean, sarean jarriko du bideoklipa.
Gaualdi hortan gainera, Baionako San Izpiritu auzoko musikari desberdinek kolaboratuko dute kantu batzuetan: Lolita Delmonteil, Haira, Ekhi Lambert eta Yohann Villanua. Medical Aid For palestine erakundearentzat izango dira gaualdiko etekinak. Ibantutarekin hitz egin du Arantxa Idiederrek.
2025eko Ekainaren 26a
Samba Badago Hernani aldeko taldeak Patxan eman du kontzertua musikaren besta kari / GURE IRRATIA
Ekainaren 21a, udako lehen eguna, eta musikaren besta hainbat herritan.
Larunbatez gertatzen zen aurten, eta Baionako herrian goizetik kontzertuak proposatzen zituzten xoko guzietan. Herriko etxearen egitaraua, bainan elkarte eta ostatuena ere, musika ez zen falta. Holako egunetan, musikak eta musikariek hartzen dute karrika. Arantxa Idieder ibili da karriketan gaindi, eta musikari edota festalari pare batekin hitz egin du, tartean Samba Badago Hernani aldeko taldearekin.
Musikaren bestaz baliatu da Zizpa gaztetxea Baionako besta alternatiboak aurkezteko larunbatean, bere aurtengo egitaraua salatuz. Besteak beste, Karma, Zaunka, Kimule, Xsakara edota Patxi eta Konpania 5 egunetako egitarauaren barne izango dira.
2025eko Ekainaren 24a
Marie-Pierre Pradere, Sarako Har Hitza elkarteko kidea / GURE IRRATIA
Ekainaren 22an iraganen da Saran gaindi usaiazko Sara Oinez mendi ibilaldia. Har Hitza elkarteak du antolatzen, eta berriz errepikatzen du ez dela lasterketa, baizik eta ibilaldi soila.
Denborak ez dira konduan hartuko, eta abiatzeak ere ez dira tenore finkoetan eginen baizik eta oren erdiko tarte batean. Bi ibilali proposatzen dituzte, bata 27kilometrokoa, eta bestea 11 kilometrokoa, biak Sarako plazatik abiatuko dira; 6:30tan lehena 8:30tan bigarrena. Izen emaiteak lekuan beran eginen dira. Marie Pierre Pradere antolatzailearekin solastu da Olatz
2025eko Ekainaren 20a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016