MP3 jaitsi (31 Mo)

'Arta txarra, tratu txarra' titulupean, mahai-inguru bat antolatzen du Kusku elkarteak larunbat honetan ekainaren 14an goizeko 9tan, Baionako Biltxoko elkartean.

Elkarte hori duela zonbait urte sortu zuten, birgaitze eta errehabilitatze zentro bat sortu nahi zutelako, baina haurrei zuzendua zaiena. Eskasa hor da, hurbilena Paue edo Bordele dute burasoek, helduentzako estrukturak ez direlarik eskas.

ARS-arekin lanean ari dira zentro hori sortzeko, eta gaia plazara ekarri nahi izan dute 7 pertsonaz osatu mahai-inguru bat proposatuz. Hitzaldian parte hartuko du Maddi Errezarret kinesiterapeutak, eta Kusku elkarteko lehendakariak.

MP3 jaitsi (11 Mo)

Sarako Olhain ikastolak urte guziz antolatzen duen hitzordua du igande honetan ekainaren 8an.

Polikiroldegian, usaiazko Sagarno bazkaria proposatzen du eta haurrentzako ere animazioak izango dira, joko edota puzgarriak adibidez. Eta bazkalondoan ikasle ohien taldeak ere izango dira, Basapiztiak, Moira Krank eta DJ Bull-ekin bukatzeko usaia atxikitzeko.

MP3 jaitsi (25 Mo)

Deba eta Kanboren arteko senidetzeak bere 25 urteak betetzen ditu aurten.

Badu jada hamar bat urte, Debako herriko etxeko euskara sailak Begiradak erakusketa parte hartzailea proposatzen duela bere herritarrei. Aurtengo edizioarentzat Kanboko biztanleak gomitatu dituzte parte hartzera.

Maia Martinon eta Julie Indart, Kanboko herriko etxeko langileen laguntzarekin, bi argazkilari eta bost idazle lapurtarrek parte hartuko dute, Deban, uztailaren 18an egingo duten ekitaldi-proiekzioan. Arantxa Idieder, Debako herriko etxeko euskara teknikaria den Amaia Zinkunegi Zipitriarekin mintzatu da.

MP3 jaitsi (21 Mo)

Gerezi besta iraganen da Itsasun ekainaren 1ean, igandez.

Egun osoan gerezi salmentaz gain, Xapata elkartekoak hor izanen dira, animazioak, bazkarian 800 bat jendek parte hartzen du, herri joko, bota luze…antolatzaileek egun pasa etortzea gomendatzen dute.

Antolatzaileak dira Itsasuarrak elkartekoak. Peio Oçafrain lehendakari ordeak xehetasunak eman dizkigu egunaz.

MP3 jaitsi (30 Mo)

Arte eta Kultura heziketa programaren baitan proposatua izan da bikoizketa tailerra. Pirinio Atlantikoetako departamenduak eta Euskal Hirigune Elkargoarekin, Atalante zinemaren laguntzarekin, Baionako Albert Camus kolegioko 4. mailako ikasle elebidunek, BEURK!, Beanboy eta Autokar laburmetraiak euskaraz bikoiztu dituzte Kalakalabeko profesionalekin.

20 bat orduz testoa landu dute, irakaslearekin, eta Arantxa Hirigoyen antzerkilariarekin. Grabaketa egun batean izan gara Baionako Atalante zineman, bozak grabatzen zituzten egun batez.:

Lan honen emaitza aurkeztuko da ekainaren 24an, asteartez, goizeko 10:00etan edo 11:00etan ATALANTE zineman Baionan.

MP3 jaitsi (20 Mo)

Arrokagarai ikastolak Itsasun, 15 urte ospatzen ditu aurten. Aste buruan, ostiral gauean besta hasiko da maiatzaren 23an Arrokabaretarekin, eta larunbatean maiatzaren 24an, haurrentzat ikusgarri, bazkari eta kontzertuak proposatuko dira.

Lan talde bat sortu dute buraso batzuk besta antolatzeko.Horietan ikastolako lehendakaria den Dioni Aguerre eta irakasle-burasoa den Amaia Uthurraltek, aipatu digute lehenik ikastolaren ibilbidea eta ondotik bestaren egitaraua.

Lehenik hastapenetik irakaslea izan den Amaia Uthurralt, oroit da lehen ikastolaz, etxe pribatu batean hasi baitzen.

MP3 jaitsi (28 Mo)

Sei herri lehiatuko dira maiatzaren 24an Zugarramurdin.

Bera, Etxalar, Ainhoa, Sara, Urdazubi eta Zugarramurdiko biztanleak elkartzeko asmoarekin sortu zen Herri Haitada duela zonbait urte, euskara erdigunean jarriz. 3.edizioa Zugarramurdin iraganen da beraz, Lapurdi eta Nafarroako lehiakideek 12 proba izango dituzte. Soka tira, bertso, sukaldaritza edota txirrindularitzan lehiatuko dira.

Egunaren bukaeran herri irabazle bat izango da, baina garrantzitsuena antolatzaileentzat, mugaren gainetik, herritarrak elkartzea da. Arantxa Idieder Iban Iparragirre eta Leiane Madariaga antolatzaileekin mintzatu da.

MP3 jaitsi (20 Mo)

Itsasuko La Nive erietxe ohiak bere ateak berriz ireki ditu, Errobil deitu berrerabilpenerako herengune soziala urtarriletik bertan instalatu baita, Uhaldeko bidean, 560.zenbakian.

Sukalde, txintxuketa tresneria edo mubleak uzten ahal dira beharrean direnei merke saltzeko edo emateko. Bertan duten tailerrean, laguntzaileek konpontze lanak egiten dituzte ere.

Larunbatean, maiatzaren 17an estreinaldi ofiziala egingo dute. Pantxo Paparramborde Belin Aiba elkarteko kideak eman dizkio xehetasunak Panpi Mercapideri. Errobil publikoari irekia da bestalde - ostiraletan 14:00etatik 18:00etara eta larunbatetan 9:00etatik 12:00tara eta 14:00etatik 18:00etara. Emaitzak irekitze orenetan egiten ahal dira baita astearte eta asteazkenetan ere14:00etatik 18:00etara.