MP3 jaitsi (22 Mo)

Badu zonbait urte, Makea aldean kokatua den Eskuz Esku elkarteak etorkinak laguntzen dituela.

Ostiralean apirilaren 18an, zine eztabaida gaualdia proposatzen dute Makeako Mindegia gelan. Arratseko 19:00tan hasiko da gaualdia “Bidasoa” Fermin Muguruzaren dokumentalarekin eta ondotik, Sara Cesaro ikerlaria hor izango da trukatzeko, eta gaualdiak segituko du festa giroan Azerbaijaneko pintxo eta lekuko txaranga batekin.

Juliette Bergunian eta Mikaela Indart antolatzaileekin hitz egin dugu.

MP3 jaitsi (24 Mo)

Epaiska Baionako ostatu elkarteak bere lekua atxikitzen du, aldatzen ari den hirian.

Pannecau karrika sartzean kokatua den gunean kontzertu eta eztabaidak antolatzen dituzte, eta ostiral arratsalde eta larunbat goizetan irekia da.

Larunbat honetan aldiz, bertso bazkaria izango da, Maddalen Arzallus eta Andoni Egañarekin. Izena emateko bazkarirako: 07 45 05 36 90.

Beste hitzordu batzu ere ondoko hilabeteetan, eta bereziki kontzertuak: maiatzaren 30ean Txit Karramarro, ekainaren 21ean Ikusiko, Borla ta Tatxers eta uztailaren 4an Gauak eta Ü.

MP3 jaitsi (28 Mo)

Urtean zehar nerabeei zuzendu antzerki tailerra proposatzen du David Ondars-ek Baionako kontserbatorioan.

Beste publiko baten gana jo nahi du, aste honetan eta ondokoan urririk izango diren bi tailerrekin. Helduentzat ostiral arrats honetan apirilaren 11n 19.30 - 21.30 artean izango da, eta haurrentzat apirilaren 19an 10:00 - 12:00 artean.

Euskarazko proposamen guti dira antzerki tailerren arloan.

MP3 jaitsi (24 Mo)

Luhusoko berri hartzera joan da Arantxa Idieder, Ximun Larralde axuantarekin elkartuz.

Berrikuntzen artean, murgiltze sistema ama eskolan jarriko dutela. Lehen urtekoak euskaraz ariko dira beraz ondoko sartzean. Hamaika etxebizitza eta mediku zentro bat uda honetako Makeako bidean ere aipatu dizkigu kontseilariak.

Harri Xuriren parean aldiz, eraikitzen ari diren Amalurra gunea ere berrikuntzen artean da Luhuson: epizeria, ostatua eta sala bat izango dituen eraikin jasangarria izan nahi duen proiektua. Baionara joateko autobusa ere garraioaren atalean, Elizetx Ahizpak, erresistenteen izena duen geltoki berriarekin, eta trinketea erosiko duela ere herriko etxeak.

MP3 jaitsi (33 Mo)

Idazkera eta marrazkien interpretatzaile da Katixa Lizant aihertarra.

Irakaskuntza lanbidea bi urtez utzi du formakuntzak segitzeko, grafologian, haurren marrazkien interpretazioan, eta arte terapian. Ondoko pausua, idazkeraren berreziketa formakuntza bat segitzea izango du.

Badira hainbat eztabaida grafologiaz, ez baita frogatua den zientzia, baina Katixa Lizant-ek aipatu digunaz, pertsonaren nortasuna agertzen du gure idazteko manerak.

MP3 jaitsi (30 Mo)

Apirilaren 2tik aitzina Hazparneko eremuan, txanpona beharrezkoa izango da, "zakarrontzi beltzaren” botatzeko. Permanentziak apirilaren 11a arte proposatzen dituzte, Hazparneko lurralde eremuan, txanpon elektroniko horien biltzeko.

Euskal Elkargoan eremuka antolatuak dira hondarkinen zerbitzuak. Jon Etxart, Bidaxune, Hazparne eta Iholdiko eskualdeaz arduratzen da, eta lanbide hortan duela 25 urte hasi denarekin baliatu da Arantxa Idieder, pundua egiteko zerbitzuaren bilakaeraz, eta antolaketaz.

Ondoko permanentziak: martxoaren 28an, apirilaren 1, 4, 8 eta 11n.

MP3 jaitsi (22 Mo)

Angeluko Kimua ikastolak, urteroko Itsas Laminen Korrika antolatuko du igande honetan. 15. edizioa izanen da aurtengoa eta sekulan baino jendetsuagoa izanen da, 200 parte hartzaile baino gehio goaitatzen baitituzte. Emazteendako soilik egina den lasterketa, Angeluko La Barre gunetik abiatuko da.

Integrazio batzordearen aldeko ekimen hau geroz eta arrakasta gehio hartzen ari da eta azpimarratu behar da, Jon Errekart antolatzaileak erran digun bezala, barne lehiaketa batzu plantan ezartzen dituztela, eta horrek ere tira sortzen duela.

• Izena emateko PB Organisation webgunea
• Aurkezpen bideoa

MP3 jaitsi (26 Mo)

Haurren opor garaia hautatu du Baionako Turismo bulegoak abiatzeko hiria ezagutzeko pista-joko berria, euskaraz. Pasa den ostiralean otsailaren 28an izan zen lehena eta bigarren bat izango da martxoaren 7 honetan, ostiralean, goizeko 10:00 eta 12:00 artean.

Haurrei zuzendu animazioa, bisita original baten egiteko, baina helduentzat ere egokia izan daitekena. Apirilaren 19an, eta maiatzaren 7 ta 30ean izango dira berriz pista-jokoak.

Arantxa Idieder mintzatu da Joana Barace gidari hizlariarekin.