2011eko Martxoaren 29a
Grabaketa lizeoko atarian egin dute, teknika lana: Biarritzeko Entzun ikus-eko ikasleek sehurtatu dute(lehen mailako soiinu arloko ikasleek).
Ordu beteko emankizuna: 4 zatitan banatua:
1-Gazteen berrisaila, 2- Bidaia, 3- Musika, 4- Korrika
René Cassin, Biarritzeko BTS audiovisuel-en eta Gure Irratiaren partaidetzarekin.
Estebe Paraxu itsasuar pilotaria / GURE IRRATIA
Pilotan, esku huska, buruz burukako txapelketa bidegurutze batean sartuko da asteburu honetan. Maila desberdineko pilotariek goiti eta beheiti joateko kanporaketak jokatuko dituzte. Bigarren mailako hoberenek adibidez, asteburu honetan irabaziz geroz, igaiteko aukera izanen dute.
Estebe Paraxu itsasuarraen kasua da eta Olatz Idoaterekin hitz egin du.
Ostiral honetan jokatuko dira lehen kanporaketak, otsailaren 14an, Arrangoitzen 19.00tan:
Larunbatean, otsailaren 15ean, Larresoron 18:30tan:
Larunbatean, otsailaren 15ean, Ezpeletan 18.00tan:
Igandean, otsailaren 16an Ezpeletan 16.00tan:
Igandean, otsailaren 16an Donibane garazi 16.00tan:
2025eko Otsailaren 14a
Jean Christian Galtxetaburu eta Mixel Etxekopar Ziburun aurkeztu duten Züek Heben ikusgarrian / GURE IRRATIA
Ziburun bi egunez herritar batzuekin solasean aritu ondotik, bertan bildu soinuak, eta argazkiak, Züek Heben emanaldian aurkeztu dituzte hirugarren egunean, Baltsan elkartean.
Mixel Etxekopar eta Jean Christian Galtxetaburu musikari, Pierre Vissler soinu hartzaile eta Inge Arin argazkilari lanetan aritu dira. Arrantzale, ostalari, kultura eragile edo ikastolaren inguruko gertakariak, poesiaz musikatu dituzte. Aldi bakar batez aurkeztu dute beren egonaldia Baltsanen, otsailaren 8an.
Itsasbazterreko zazpi herritan ibiliko dira "Atlas geopoetiko" soinu-liburua sortzeko helburuarekin. Jada beste bi ale badituzte argitaraturik.
2025eko Otsailaren 11a
Michelle Gracy azkaindarra, irratira etorri da E-CHO makroproiektuaz duten kezkaz hitz egitera / GURE IRRATIA
Biarnoko makroproiektu bat aipatzeko, bilkura publikoa antolatzen dute Azkainen ostiral honetan 18:00etan Bilgune gelan.
E-CHO izenarekin, ekologikoa den proiektu baten kolore "berdea" du. Itxura hala du, Zuberoatik hurbil, Biarnoko Lacq herrian egitekoa den egitasmoak hiru gune industrial lituzke: hidrogenoa ekoizteko lantegi erraldoi bat, eta hegazkin ta itsasontzientzako erregai "berdeak" ekoizteko bi lantegi.
Arantxa Idieder mintzatu da bilkura antolatzaile den Michelle Gracy-rekin.
2025eko Otsailaren 07a
Txomin Duhalde, Biez Bat ikastolako burasoa etorri da urtemugaren aipatzera / GURE IRRATIA
Basusarri-Arrangoitzeko Biez Bat ikastolak 10 urte betetzen ditu 2025 urtean. Kontzertu batekin hasiko dute ospakizuna, otsailaren 8an larunbatean. PiLT aspaldiko taldea etorrarazten dute, 90. hamarkadako talde famatua, etenaldi luze baten ondotik berriz oholtzara itzuli baitira bizkaitarrak, disko berriaren aurkezteko.
Bad Sound, Punttu Kakotx eta Dj Bull taldeak ere ariko dira, Arrangoitzeko gelan. Aitzin salmentak, otsailaren 6an 22:00etan bukatzen dira.
2025eko Otsailaren 05a
Marieniako lurretan hartu talde argazkia / MARIENIA EZ HUNKI
Kanbon Marieniako lurretan, Bouygues-k bidean duen proiektuaren kontra mobilizatzeagatik, otsailaren 11n auzitan pasako diren hiru akusatuen aldeko gaualdia antolatu dute Itsasuko Goxokin.
Otsailaren 8an, arratseko 7etan izanen da kantu, jateko eta edateko eta Ixtaklok, Spartak Dementziala, Ez Dok Bape, eta Both taldeek joko dute. Panpi Mercapidek xehetasunak bildu ditu auzipetua den Marienia ez Hunki kolektiboko Filipe Laskaraiekin.
2025eko Otsailaren 04a
Iker Edme eta Nagore Jimenez, Bernat Etxepare lizeoko irakasleak / GURE IRRATIA
Urte zibila hastearekin batera, hezkuntza sistema ondoko sartzeari begira jartzen da usu.
Ikasleek, jada gogoetatu behar dute zer egin nahi duten heldu den sasoian, ondorioz eskola eta ikastolek beren proposamenak azaltzeko ate irekiak antolatu ohi dituzte.
Olatz Idoate Baionako Bernat Etxepare lizeoan nola antolatu diren ikustera joan da, otsailaren 1ean goizeko 9ak eta 12ak artean ate irekiak proposatzen baitituzte. Iker Edme eta Nagore Jimenez irakasleekin xehetasunak.
2025eko Urtarrilaren 31a
Maritxu Goihenetxe eta Xabi Etxegarai irratira hurbildu dira Uztaritzeko Zirtzilak aipatzeko / GURE IRRATIA
Ihaute sasoian sartzen garelarik, prestaketa lanak ere abiatuak dira leku anitzetan. Uztaritzen adibidez, martxoaren 4ko astearte gizen-ean parte hartzeko, zirtzilak antolatzen hasiak dira. Urtero bezala, bilkura publiko bat proposatzen dute, pintxo eta edarien inguruan, zirtzilen taldean sartzeko goga duten guziei irekia.
Zirtzilen aurkezpen bilkura urtarrilaren 31n eginen dute Uztaritzeko Batzokian, arratseko 19.00tan. Olatz Idoatek hitz egin du, Maritxu Goihenetxe eta Xabi Etxegarairekin.
2025eko Urtarrilaren 30a
Beonika Garai eta Bixente Lohiague Hazparneko Elizaberri auzoko biztanleak / GURE IRRATIA
Hazparnen, Elizaberriko bost familik SCI bat muntatu dute, kartierreko jatetxe gunea berpizteko. Jatetxearen kudeantza bikote bati uzten diote: Eva Jaurenaostalerra, jatorriz hazpandarra eta Alex Mahood ingles sukaldariari.
Gune horretan, jatetxeaz gain, zaharberritu dituzten bi raquet ball zelai badira barnean, eta paddle zelai bat kanpoan. Gaineko estaietan, ko-alokatzeko apartamendu bat lau ganberarekin, baita ostalerren bizitegia ere.
Beonika Garai eta Bixente Lohiague SCIko kideekin mintzatu da Kriztof Arotzarena.
2025eko Urtarrilaren 28a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016