Itsasu Elgarrekin zerrenda zuzenduko du Louis Ustarrozek
Hiru zerrenda izanen dira Itsasun, herriko bozen kari.
Jean-Paul Iturburua lehen axuantak Roger Gamoy auzapezaren bilana defendituko duela baieztatu dauku. Egitaraua laster aurkeztu behar luke. Talde abertzaleak HERRIARI zerrenda aurkeztu berri du.
Eta etiketarik gabe doan Louis Ustarroz enpresa buruak Itsasu Elgarrekinlista zuzenduko du. Kriztof Arotzarena harekin mintzatu da.
2020eko Otsailaren 19a
Marie-Antoinette Eskozian, horra Goxoki gaztetxeak proposatzen duen gaia
Itsasuko Goxoki gaztetxeak ihaute gau bat proposatzen du larunbat honetan, otsailaren 22an.
Irudimen handiko gaztetxeko kideek gai bat proposatzen dute, Marie-Antoinette Eskozian. Mozorro baten asmatzeko zuen irudimena landu beharko duzue beraz, sartzea kitorik baita mozorrotuentzat.
Gaztetxeko Maddi Sarasua, Martta Hiribarren eta Patxi Laskaraiekin mintzatu da Arantxa Idieder.
2020eko Otsailaren 19a
Duela 25 urte sortu harreman indartsu eta arraberritua Larresoron
Orain dela 25 urte sortu zen Iparra Hegoa, Seguran aste batez ospatzen dena urtero. Erroak egin ditu Ipar Euskal Herrian ere: Urruña aldean luzaz, eta Baigorrin joan den urtean ospatu zen. Aurten aldiz, Larresoro hautatu dute besta egiteko.
Panpi Mercapide ibili da bere mikroarekin, eta lehenik Ana Jaunarena, lizeoko ikasle ohia eta antolakatekoarekin mintzatu da.
2020eko Otsailaren 18a
Mitoak, kondairak eta leiendak Donibane Lohizuneko ihaute eguneko gai nagusi
Sorgin Gaua eta ihaute eguna Ziburuko eta Donibane Lohizuneko herrietan ospatuko dituzte aurten ere. Aste luze bateko ospakizuna abiatu zuten pasa den larunbatean, hartzaren iratzartze eta desfilearekin.
Ostiralean Ziburuko Sorgin Gaua eta larunbatean ihaute eguna Donibane Lohizunen, beste hitzordu batzu ere badira, tartean astearte honetan Thierry Truffaut-ren hitzaldia.
Arantxa Idieder mintzatu da Idoia Datxarri eta Elorri Charreton antolatzaileekin. Haien elkartea aurkeztu diote.
2020eko Otsailaren 18a
Iparra Hegoa Larresoron 25 urte betetzen
Iparra Hegoa egitasmoak 25 urte betetzen ditu aurten. Horren kari egun berezi bat antolatzen dute Larresoron, larunbatean otsailaren 15ean.
Etxepare lizeoak ere parte hartzen du azken urteetan. Pello Aranzabal lizeoko langileak aipatu digu egitaraua, eta edizioa berezia.
2020eko Otsailaren 14a
Ametsen Doinua gidoiarekin Next Station lehiaketa irabazi du Frank Harrietek
Jok Films ekoizpen etxeak bultzatu Next Station deitu 2.deialdia irabazi du Frank Harriet azkaindarrak.
Helburua zen hiru eguneko egonaldi batean urtarrila erdian, Miarritzeko mediatekan, websail berri baten gidoia lantzea Izaskun Arandia gidoigile eta ekoizlearekin.
Jokin Etxeberriak azaldu dauku zergatik “Ametsen doinua” lana hautatu duten. Frank Harrietek aldiz profesionalki bideoan edo soinuan lan egiten du, baina gidoi bat asmatzea beste lan bat da.
2020eko Otsailaren 13a