Bouquinville Ttikia haur literatura festibala abian
Haur literaturaren festibala asteart huntan abiatzen da Baionan. Libreplume elkarteak bultzaturik, udaberrian egin beharra zen ekimena urriaren 13tik 30ra iraganen da.
Asteart eta asteazken honetan izanen dira euskarazko ekimenak, lehen egunerako leku guziak hartuak dira, bainan asteazkeneko azken zonbaitzu gelditzen dira.
Arantxa idieder mintzatu da Ana Imaz Antolatzailearekin.
Izenak emateko, Bouquinville Ttiki sarean edodeituz 09 84 19 23 26.
2020eko Urriaren 13a
"Haurrak jostatuz harremanak edota emozioak lantzen ditu"
Haurrekin jostatu, nola? Zer ondorio haurraren hezkuntzan?
Uztaritzeko ikastolako hezkuntza taldeak gaia ekartzen du eztabaidara, asteazken honetan urriaren 14an Maialen Torre psikologoa gomitatuz. Haurrak jokoaren gogoa duelarik, nola jokatu, edo justuki gogoa galdu duelarik zer egin. Gai ainitz aipatuko dituzte asteazken gauean Uztaritzen, 20:00tan ikastolan bertan.
Arantxa Idieder mintzatu da Maialen Torre psikologoarekin.
2020eko Urriaren 12a
"Hemengo herritarrek ez dute laxatuko"
Baionako Polo Beyriseko Posta bizirik atxikitzeko, jende frango bildu zen ostegun astirian sustengu kolektiboak antolatu eztabaidan. Azkenean, eztabaida mintzaldi bat bilakatu da, gomit ziren postako arduradunak ez baitira etorri.
Langile eta arduradun ohiak, sindikalistak edota hautetsiak, hitzartze ezberdinak izan dira. Roger Arzubi Postako arduradun ohia eta Irene Irisarri Poloko posta bulegoko langile ohiaren lekukotasunak bildu ditu Kriztof Arotzarenak.
Baionako auzapeza eta oposizioko 2 talde ezkertiarrak present ziren eta ados dira, postaren atxikitzearen aldeko mozioa bozkatzeko heldu den asteko kontseiluan.
2020eko Urriaren 09a
"Udazkenean partikularki birikak dira zaindu behar diren organoak"
Osagarri sailean, aipamen bat eskainiko dauku hilabetero, Shiatsu saioak proposatzen dituen Jone Bordatok.
Energetika txinatar tradizionalean oinarrituz, aholkuak emanen dauzkigu, aldiro, gai konkretu bat hartuz. Udazkenean berriki sarturik, sasoi edo urtaro aldaketaz mintzatu zaio Kriztof Arotzarenari, urteko bilana egiteko garai egokia delarik.
2020eko Urriaren 09a
Kilima deitu haurzain etxea laster Azkainen
KILIMA euskarazko Haurzain Etxeak bere ateak laster idekiko ditu, Azkainen azaroaren 2tik goiti. Herri zentroan, farmazia gibelean.
Mirentxu Errandonea, Maite Goienetxe-Zunda eta Isha Hiribarren haurzainak elkartu dira proiektu hunen gauzatzeko.
Isha Hiribarrenekin mintzatu da Kriztof Arotzarena.
2020eko Urriaren 06a
3D inprimagailu edota laser mozketa, FabLabea proiektua muntatzen ari dira Hazparnen
Hiru dimentsiotako inprimagailuak, Lasergailuak, errobotika, eta programazio elektronikoa, hona Matiu Bordato, Edouard Oxoby eta Thomas Duchange-k berriki eramaiten duten Fablabea proiektuan, aurkitzen ahalko dituzuen tresna ezberdinak.
Helburua, informatika gustukoa duten edozein pertsonei tresna ezberdinen deskubriaraztea eta teknika berrien ezagutza partekatzea. Urtarrila hastapenetik eramaiten duten proiektu honen aipatzeko, Matiu Bordatorekin mintzatu da Haize Delavigne.
2020eko Urriaren 05a