Banakako XILABA Ipar Euskal Herriko bertsolarien xapelketa buruilaren 19an hasiko da Hiriburun, azaroaren 21an, Donibane Lohizunen bururatzeko. 28 bertsolarik kantatuko dute.
Finala aitzin, 4 kanporaketa, 3 final-heren eta 2 final-aitzineko izanen dira. Izturitzeko final-herenean sartuko da Odei Barroso, urriaren 31an. Amets Arzallus xapeldun-ordea, lehen final-aintzinekoan zuzenki sartuko da. Sustrai Kolina azken xapeldunak ez du parte hartuko
Odei Barroso bertsulariari hitza eman aitzin, Ainhoa Sarasua eta Lur Renteria epaile lanetan ariko direnekin solastatu da Kriztof Arotzarena.
2020eko Irailaren 17a
Ondarearen eguna kari Uztaritzeko oihanaren xoko batean proposamen berezi bat egiten du Arantxa Lannes herriko artistak.
Igande honetan, Otsanz deitu kaperaren inguruan sortu du ibilaldi artistiko bat, tindua, dantza musika eta ipuina uztartzen dituenak. Ekhi Lambert, Miguel Etxeberri eta Xan Errotabehere-rekin batera, ibilaldi musikatu bat proposatuko dute.
Arantxa Idieder mintzatu da dantzari edota artista den Arantxa Lannes-kin.
Atsaldeko 4tan abiatuko da Otsanz Harriak Bizi ibilaldi artistikoa, eta ondotik Uztaritzeko txistulari taldea hor izango da animazioa segitzeko.
2020eko Irailaren 15a
Kanbotik Senpereko bidea egiten duen eskolako autobus batek su hartu du astelehen atsaldean Zuraiden. Autobus hortan zen haur baten aita, Emile Negueloua juntatu du Oihana Daguerrek.
Gurasoak kezkatuak dira, eta Euskal Elkargoaren gandik informazio gehiago izango dutela espero dute
2020eko Irailaren 15a
Dantza garaikidea eta sorkuntza tailer eta kurtsoak Hazparnen proposatuko dituzte, haur, gazte eta helduentzat, irailaren 15tik goiti.
Dantzalai Konpainia elkartea sortu berri dute
Irakasle lanetan ariko den Eneka Bordato-Riaño-rekin mintzatu da Kriztof Arotzarena.
2020eko Irailaren 14a
Gau eskoletako ateak laster idekiko dituzte euskara ikasi edo hobetu nahi duteneri. Hilabete honetan eginen dituzte izen hartzeak, bainan Aek-k irakasleak ere bilatzen dituela oroitarazi dauku Bea Salaberri Aek-ko didaktikari eta irakasleak.
2020eko Irailaren 11a
Igande huntan iparraldeko pilota batzordeak luzeko finala programatu du Sarako pilota plazan. Sarako Herriak ekitaldi hau baliatuko du, erreboteari izen baten emaiteko, eta preseski Jean Fagoaga ezarriko dio. Sarako auzapez zelarik, eraiki baitzen pilota plaza hori. Olatz Idoate lankidea, haren etxean izan da, Saran.
2020eko Irailaren 11a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016