Moondura Kit Van Camper, Gus Elizondo-ren proiktua da. Auto modelo batzuentzat, kofrean sartzeko mubleak sortzen ditu, karabana ttipi bilakaraziz autoa bost minututan.
Gibeleko kaderak plegatu, eta kofretik taula bat tiratuz ohe bat instalatzen ahal da, eta kofrean sukaldatu. Gus Elizondo Hirigoin hasi da horrelakoak egiten eta saltzen. Arantxa Idiederrekin autoaren itzulia egin dute.
2020eko Irailaren 11a
Haurrock kantu taldeak bere errepikak berriz hasi ditu astelehenez Senpereko Larraldean 5ak15ean eta asteartez Larresoron ber tenorean Philippe Alborrekin.
Baina haur batzuen kezka, kolegioan sartzean ez dutela ttipiagoekin segitu nahi. Hortako nerabeentzat ere proposatzen dituzte errepikak Pauline Junquet kantari musikariarekin, Itsasun. Kurtsoak irailaren 25ean hasiko dira Atharrin.
Pauline Junquet-k joan den urtean hasi zituen kantu errepika hauek.
2020eko Irailaren 08a
Elealdi elkarteak euskara kurtsoak irailaren 15ean berriz hasiko ditu Angelun. Oren bat eta erdi astero, egunaz talde ttipitan eta ostiraletan kalakaldiak eta astiriz, kantu animazioa denentzat.
Asteburu honetan, Angeluko Elkarteen foroan izanen da Elealdi. Maryse Elizalde irakaslearekin mintzatu da Kriztof Arotzarena.
2020eko Irailaren 04a
Uztaritzen elkarteen foroa antolatzen dute larunbat goizean, Bilgunen.
Aurten elkarte gutiago izanen dira segurtasun neurriek inposatu aldaketekin. Hortaz mintzatu da Panpi Mercapide, Mañu Erviti Uztaritzeko Elkarteen Batasunekoarekin.
2020eko Irailaren 03a
Uda guzian, egunero parez-pare jarri ditugu Xiberoa, Baxe Nafarroa, Lapurdi eta Bidasoaren beste aldeko herritarrak.
Agorrilaren 28an, Gora Herria Euskal Irratiak sarearen mahai jokoaren finalean jarri dira Artzen Letonaren inguruan, Donamartiriko eta Ziburuko jokalariak.
Emaitza: Ziburu 90 / 81 Donamartiri.
2020eko Irailaren 01a
Donibane Lohizune-Ziburuko badia itsasontziz zeharkatzeko parada ekartzen du Le Passeur itsasontziak aspaldian, bainan apiriletik talde berri batek erosi du barkua.
Egunero joan-jinkari lana egiten du, udan goizeko 8.40ean lehen abiatzea, eta azkena 18.40ean Donibaneko portutik. Aldaketa ekarri dute hala ere talde berrikoek, komunikazioan, izan behar lukeen lekua emanez euskarari, baita animazioak ere proposatuz, zintzur bustitze ateraldiak adibidez.
Arantxa Idiederrek trabeskatu du badia, taldeko laguntzaile den Izarne Molina eta Jonathan Leroy "Lameule" ontziko kapitainarekin.
Jakin zintzur bustitze ateraldientzat izena eman behar dela deituz 06.11.69.56.93 telefonora.
2020eko Uztailaren 10a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016