Poesia popular baten sustatzeko gogoarekin, Hatsa elkarteak olerki tailerrak proposatzen ditu.
14 garrena antolatzen du larunbat honetan, Azkaingo Bizkarzun muño gainean. 15:00tan Azkaingo plazan ematen dute hitzordua elgarrekin joateko, irudimen librearekin eta hitzekin jostatzeko asmoarekin.
Aldi honetan berezitasun bat otsailaren 29an izango dela, 4 urtean behin, gehitzen den egunean. Irudimena pizteko arrazoi bat gehiago. Euria balitz, Senpereko larraldea gelan izango da 15.30tan.
Izena ematea hobe olerkibilduma@sfr.fr
Arantxa Idieder mintzatu da Auxtin Zamorarekin.
2020eko Otsailaren 27a
Zugarramurdiko talde feministak hitzordu bat proposatzen du otsailaren 28an.
Joan den urte bukaeran sortu berri den taldeak, herri dinamika bat sortu nahi du, eta martxoaren 8a aitzin, hitzaldi bat proposatzen dute Lorea Agirre eta Idurre Eskisabel idazleekin.
Arantxa idieder mintzatu da Elena Xuriorekin.
2020eko Otsailaren 27a
Altxorraren bila joatea proposatzen du Maialen Alfaro sofrologoak asteazken honetan Donibane Lohizunen.
Mayana Itoiz ilustratzailearekin argitaratu zuten liburu batean oinarrituta, istorio batean murgiltzea proposatzen du Maialenek, istoria biziaraziz Altxorraren Bila, eta sofrologia edota lasaitze momentuak proposatuz haurrei. Hitzordua otsailaren 26an asteazkenez Donibane Lohizuneko mediatekan, goizeko 10.30tan
Arantxa idider mintzatu da Maialen Alfarorekin.
2020eko Otsailaren 25a
Burdina ikusgarria aurkeztuko dute ostegun huntan, Baionako antzokian.
Bizkaiko burdin meategien istorioa kondatzen dute, poetikoki, dantza eta musika flamenkarekin, eta euskal kultura uztartuz, imigrazio eta langileen mundua jorratuz. Ikusgarriaren berezitasunak, burdinaren eta harriaren erabilpena dira. Hitzordua, ostegunean, 20.30tan Baionako antzokian.
Ikusgarriaren parte den Beñat Achiary kantari eta musikariarekin mintzatu da Arantxa Idieder.
2020eko Otsailaren 25a
Ezpeletan bi zerrenda izanen dira martxoko herriko bozetan. Eskuz Esku zerrendak bere hautagaitzaren berri eman digu. Yannick Jaureguy zerrenda buruarekin mintzatu da Oihana Daguerre.
Jean Marie Iputcha gaur egungo auzapezaren zerrenda izango du parean.
2020eko Otsailaren 24a
Erle Beltzaren kontserbatorioak, Itsasun, Sanoki gelan antolatzen du mintzaldi bat larunbat goizean otsailaren 22an 10etan.
Andone Estonba unibertsitateko katedraduna, eta Egoitz Galartza marexal eta erlezaina izanen dira mintzalari. Euskal Erle Beltza elkarteko Michel Setoainek gehiago erran dauku mintzaldiaz.
2020eko Otsailaren 21a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016