Euskal tradizioa eta musika klasikoak elkarren ondoan jartzen ahal direla uste du Marina Beheretxe biolina joleak.
Lau Sasuak proiektuarekin ere plantan eman zuen. Eta proiektu hortatik abiatuta gaur egun, Baionako kontserbatorioan irakaslea den musikariak, hitzaldi bat emango du astelehen honetan, 18tan Donibane lohizuneko Dukontenian, lehen estaian, frantsesez izango da.
Arantxa idieder mintzatu da harekin.
2020eko Otsailaren 10a
Lapurdin izango da aurtengo lehen libertimendua. Luhuson otsailaren 9an, 10etarik goiti desfilea gela berritik plazarat eta 11etan zirtzilek eta dantzariek hartuko dute plaza.
Zirtzilen errepikan izan da Panpi Mercapide joan den larunbatean, Xan Berterreche taula zuzendari lanetan ari zen.
Idoia Mentaberry eta Xermin Camblong zirtzilekin mintzatu da.
2020eko Otsailaren 07a
Erasmus astea iragan da pasa den astean Xalbador kolegioan Kanbon. Italia, Portugal, Inglaterra, Malta eta Lituaniako gazteak errezebitu dituzte.
Tailer, joko, kantu eta bisitek biziarazi dute egonaldia.
Azken egunean, ikasleen artean ibili da Panpi Mercapide, multxo bat ari zen kolaketa eta mozketa egiten, zer ari ziren nahi izan du jakin.
2020eko Otsailaren 06a
"Etorkinen harrera, zer errealitate Iparraldean?" gaualdi-eztabaida antolatzen dute Milafrangan, ostiralean, bertako Milaguntza eta Uztaritzeko Zubiak eta Bubamed elkarteek.
Bestearekin, Etorkinekin, Diakité, Atherbea, Pausa, Bizi-Etorkizuna, La Cimadeko elkarteetako lekukotasunak izanen dira.
Francisco Sanchez Rodriguez jurista berezituak ere hitza hartuko du. Milafrangako trinketeko Ursuia gelan, otsailaren 7an 19tan. Elkartearen funtsaz galdegin dio Kriztof Arotzarenak, Maddi Larraburu elkarteko kideari.
2020eko Otsailaren 05a
43 milioiko kostua izango zuen obra proiektua bozkatu zuen departamenduak ezeztatu dute azkenean.
Kolektiboak mobilizazioaren garaipen bat bezala ikusten du. Bilkura horren helburua, informatzea jendea mobilizazioaz, eta segidaz ere.
Hitzordua, otsailaren 7an, 7tan, Sarako lur Berri gelan. Arantxa idieder mintzatu da kolektiboko Peio Durruty CADEko ordezkariarekin,
2020eko Otsailaren 05a
Telebistak, tabletak, edota telefonoak, etxe gehienetan dira gaur egun. Helduok jadanik erabiltzerakoan, kontrolatzeko zailtasunak izaiten ahal ditugu. Bainan haurren garapenean ere leku handia dute. Zoin dira arriskuak? Beste manera batez erabiltzen ahal ote dira pantailak?
Baionako OIhana ikastolak tailer bat proposatzen du astearte gau honetan 19tan kolektiboki lantzeko elkarte baten laguntzarekin.
Arantxa Idiederrek aipatu du ikastolako buraso den Christine Garay-ekin.
Haurtzaindegi bat izango da nahi duten burasoentzat, izena eman behar: hezkuntza.oihana@gmail.com
2020eko Otsailaren 03a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016