BERRIAK

Haurrock taldean izena emateko, ate idekitzeak larunbatean Larresoron

haurrock_taldean_izena_emateko_ate_idekitzeak_larunbatean_larresoron

MP3 jaitsi

Eskolen sartzearen ondotik, Haurrock haurren abesbatzak ere bere sartzea eginen du ondoko egunetan. Preseski, izena eman nahi baldin baduzue, orain da epea. Baina, zer da xuxen Haurrock? Nola antolatuak dira urte guzian? Zer ekimen antolatzen dute? Olatz Idoate mintzatu da Arantxa Hirigoien antolatzailearekin.

Eta izenen emaiteko Philippe Albor deitzen ahal duzue 06 71 00 83 26 telefono zenbakira.

2023ko Irailaren 08a

BERRIAK

Sarako bestak larunbatean hasi eta asteazkenean bukatuko dira

sarako_bestak_larunbatean_hasi_eta_asteazkenean_bukatuko_dira

MP3 jaitsi

Uda bukatzen ari da, eta uda bukatzearekin batera herriko bestak ere azkenetan daude.

Asteburu honetan, Sarako bestak izanen dira eta hortaz aritzeko ondoan ditu Olatz idoatek, besta komiteko Lorea Zozaya eta Maitane Gerard. Hirurogeita hamar bat kidez osatua da Sarako komitea, nola antolatua den taldea, eta festak nola pentsatu dituzten aipatu diote.


2023ko Irailaren 06a

BERRIAK

"Proiektu anbiziotsu bat da"

_proiektu_anbiziotsu_bat_da_

MP3 jaitsi

Ipar eta Hego Euskal Herriko unibertsitatetik diploma eskuratzeko aukera izango dute ikasleek, lehen aldiko aurten; Euskal ikasketak segitzen dituzten ikasle batzuek parada ukanen dute diploma bikoitza eta nazioarteakoa eskuratzeko, lehen aldia da plantan ematen dela.

Baionako fakultatean ere sartzea egin dute, joan den ostiralean egun berezi bat antolatua zuten Baionako kanpusean ikasle berrien arteko harremanak pizteko eta gunea hobeto ezagutzeko.

Baliatu gira egun hortaz Ur Apalategirekin mintzatzeko, Euskal ikasketen lizentzien arduradun pedagodikoa da.


2023ko Irailaren 05a

BERRIAK

Senpereko Kattalin Elizalde kolegioa prest asteleheneko sartzearentzat

senpereko_kattalin_elizalde_kolegioa_prest_asteleheneko_sartzearentzat

MP3 jaitsi

Eskolen sartze handia izanen dute ikasle gehienek heldu den astelehenean, baina beharbada pixkabat bereziagoa izanen da Senpereko Kattalin Elizalde Kolegiora sartuko direnentzat.

Duela ez hain aspaldi pentzea baizik ez zen lekuan, Seaskak, bere kolegio berria zutitu du uda honetan. Lehen bisita bat egina zuen Olatz Idoatek joan den ekainean, eta berriz bertaratu da.

2023ko Irailaren 01a

BERRIAK

Larunbateko kontzertua aitzina, Jon Itçainarekin hizketan

larunbateko_kontzertua_aitzina_jon_itcainarekin_hizketan

MP3 jaitsi

Jon Itçaina itsasuar musikari eta kantaria aste honetan Hostokadaren gomita izan dugu. Euskal kantua uztartzen die latino-amerikar doinueri.

Larunbatean Baionako Luna Negra kabaretean ariko da, irailaren 2an gaueko 8.30tan.

Panpi Mercapide berekin mintzatu da, bere ibilbide musikalaz, bere ondoan izan dituen gitarristez, eta larunbatean berekin izango den Xabi Albisturrez ere.

2023ko Irailaren 01a

BERRIAK

Urruñako bestak irailaren lehen egunetik hasita, 6 egunez

urrunako_bestak_irailaren_lehen_egunetik_hasita_6_egunez

MP3 jaitsi

Urruñako bestak ostiral honetan hasiko dira, eskola sartzearen aitzineko asteburuan, ondoko asteazkenean bururatzeko. Aste honetan, azken prestaketak egiten harrapatu ditugu komiteko kideak.

Olatz Idoate haien gana joan da eta Amaia Mixelena kidearekin solastatu da.

2023ko Agorrilaren 29a


Gure Irratia, bidea eginez

1981 2024

Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)

Gure Irratiak 8 langile ditu denbora osoz urte osoan eta laguntzaile sare zabala du.

Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.

1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.

2009 | Egoitza berritura itzultzen

Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.

(Milesker Kanaldude-ri egindako bideoagatik)

Gure Irratiak 40 urte!

40 urte baietz!

40 urtez euskarari ahotsa emanez!

Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.

Gure Irratiak rol soziala badu, Euskal Irratiak sareko irrati guziek bezala.

Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.

Emaitza egin lotura honetan KLIKATUZ


Gurekin harremanetan sar




segurtasun kodea

Gure Irratia - Landagoien - 64480 UZTARITZE | tel: 05 59 59 30 01

Legezko oharrak | Diseinua eta programazioa iF Diseinuak - 2016