Beskoitzeko ikastolak, Urketako elizan antolatu zuen kantaldi bat Manex Pagola omentzeko. Hunen ildotik Oñatin otsailaren 2an izanen da Manex Pagolaren omenaldia arratsaldeko 6etan.
Beskoitzeko ikastolaren alde antolatu du bertako ikastolak.
Haritza Camblong burasoarekin mintzatu da Panpi Mercapide, eta lehen emaldiaren arraskataz lehenik.
2020eko Urtarrilaren 31a
.303509.jpg)
Zer da etiopatia? Osteopatiari konparatzen ahal ote da?
Maialen Berra Zubieta etiopata da, eta berriki Baionako santizpiritu auzoan artagela bat ideki du Arnaud Auzirekin. Etio, edo zergatia aurkitzeko helburuarekin, luzaz hitz eginez hasten du beti etiopatak bere saioa, gorputza manipulatu aitzin.
Arantxa Idieder joan da bere bulegora, artatzeko manera hori hobeki ezagutzeko.
2020eko Urtarrilaren 30a
Duela zonbait hilabete sortu Xixon Baguette elkarteak, Metal musika sustatu nahi du.
Donibane Ziburuko Gaztetxean otsailaren 1ean Torheit, Inertzia eta Red Dead taldeak gomitatu dituzte.
Panpi Mercapidek gehiago jakin nahi izan du Xixon Baguette elkarteaz. Frank Harriet, Mikel Etxeberri eta Eneko Feldmann kidek izenaren jatorria aipatu diote.
2020eko Urtarrilaren 30a
Physis versus Nomos taldea ariko da larunbat honetan, Baionako Epaiska ostatuan. Berezitasun bat eskaintzen du elkarteak, merkatu eguna baita larunbat goizetan, eguerditan kontzertu eta pintxo momentu bat Pannecau karrikan.
Donostia aldeko taldeak joan den urtean atera zuen bere azken diskoa. Physis versus Nomos taldeko kide den Beñat Antxustegirekin mintzatu da Arantxa Idieder.
2020eko Urtarrilaren 29a
Agian sare sozialen bitartez ezagutu duzue Baionako karriketan galdu zen Apatxe Siberiar Huskya.
Arantxa Idieder joan da Matiu Crusener-Mattei Musheraren gana. Musher, edo lera-xakur gidaria. Usaian, elurretan dira, bainan Baionakoa izanki, neguan astean 5 aldiz joaten da landesetako oihanera kart bezalako karro batean xakurrak entrenatzera.
OtxoaÀ¢Â€Â™s team À¢Â€Â“ euskal abentura deitzen da Matiu Crusener-Mattei-ren elkartea. Bere lera-xakurrekin animazioak proposatzen ditu, jakinez, poli-elbarrituntzat ere egokia dela bere karroa.
2020eko Urtarrilaren 27a
Kantu afari bat proposatzen du aurten ere, Uztaritzeko gau eskolak, Integrazio Batzordearekin batera. Azken urtetako ohitura atxikiz, bainan aldaketa ttipi batzu ekarriz, tartean, menu aldaketa bat.
Urtarrilaren 31an izango da afaria Latsa gelan, Kiki Bordatxorekin, bainan izenak 27a aitzin eman behar dira gau eskolara deituz 05 59 70 30 74 telefonora deituz.
Arantxa Idieder mintzatu da Gau Eskolako Mayi Gastambide eta Irantzu Solana langileekin.
2020eko Urtarrilaren 24a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016