Euskal Herriaren historian, zoin izan da emazteen lekua euskal jendartean?
Frantziar iraultzak edo erligioak, euskal ohituretan zen parekotasuna hautsi zuen garai desberdinetan. Marikita Tambourin idazle eta antropologoa Uztaritzen izango da astearte huntan, Uztahitzan-en kari Lapurdi gelan, gaueko 8tan.
Arantxa idieder harekin mintzatu da.
2019ko Azaroaren 26a
Terra Aventura, Telefonoan deskargatzen den aplikazio bat, kanpoan ibiltzeko.
Akitania berriak garatu duen aplikazio bat da, Ipar Euskal Herrian ere martxan dena. Mapan, hainbat gune markatuak dira, Baiona, Kanbo, Hendaia edota Iratin adibidez.
Bertara joan, eta aplikazioaren galderei haurrekin erantzunez, ibilbide batean aitzinatzen da, bukaeran, sari ttipi batekin.
Arantxa Idieder mintzatu da Baionako turismo bulegoko Christele Chirumberro-rekin.
2019ko Azaroaren 26a
Baionako Santizpiritu auzoan, Le Vigilant kolektiboa sortu da uda bukaeran.
Etxebizitzak geroz eta gehiago badira, dentsitatea handitzen ari delarik, berde guneen gabezia nabarmena da.
Hortarako, kolektibo batek gune bat atxiki nahi du, baratze kolektibo bat sortzeko. Baionako herriko etxeak PLU aldaketa bozkatu duenetik, Bourbaki karrikan kokatua zen gune bat eraikigarria bilakatu da. Kolektiboak bertan baratze publiko baten estrenatzea irudikatu nahi du larunbat goizeko ekintzarekin. Hitzordua goizeko 11etan, azaroaren 23an, proiektua ezagutu nahi dutenentzat, eta sustengatu.
Kolektiboko kide den Uxue Arbelbiderekin mintzatu da Arantxa Idieder.
2019ko Azaroaren 22a
"Bakean dagoena, bakean utzi" erran zahar bat da. Idoia Torregarai eta Mirari Martiarenak sortu duten ikusgarriaren izenburua ere.
Umore-bakarrizketa gaualdi batean ikusten ahalko dira Epaiskan Baionan ostiral arrats honetan 19:00tan.
Umorea, emazteen begietatik ikusia: feminismoa, jendartea, egunerokoa aipagai dira.
Mirari Martiarenak, Panpi Mercapideri erran dio nola hasi zen antzerki hau.
2019ko Azaroaren 21a
Mendira igo, eta oihu egin, adarra jo, txalapartaren oihartzuna hedatu, presoen aldeko sustengu ekimena antolatu dute azaroaren 23ko.
Ideia da, larunbat honetan, eguerditan ttanko, Artzamendi, Urtsua, Arranomendi, Zualmendi edota Pic de Midin sustengu oihu bat hedatzea. Xehatsun gehiagorentzat deitzen ahal duzue 06.17.93.04.05.
Arantxa Idieder mintzatu da Kattin Bergara antolatzailearekin.
2019ko Azaroaren 20a
Nork ez du amestu noizbait, Doraemon-en botza berriz egitea?
Bikoizketak grabatzen dituzte aktoreek, ariketa oso bat da, aktore lanaz gain beste elementu batzu sartzen baitira. Horren entseatzeko ostegun honetan tailer bat proposatzen dute Kanboko mediatekan euskararen urtaroa kari. Hitzordua 19tatik aitzina Kanboko mediatekan, 20.30ak arte iraungo du.
Donostiako Binahi agentziako Kiko Jauregi hor izango da. Arantxa Idieder harekin mintzatu da.
2019ko Azaroaren 20a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016