Uste baino gehiago garelako lema hautatu zuen Mintzalasai elkarteak, azpimarratzeko BAB eskualdean, 15.000 aukera badirela euskaraz hitzegiteko egunero.
Baiona Biarritze Angelu, 15.000 euskal hiztun edo elebidun hartzaile badira, bainan eremu berezia da, eta euskararen presentzia indartzeko erronka egunerokoa da. Biltzar nagusia eginen du elkarteak ostegun huntan Biarritzen 18:15ean Biarritzeko elkarteen etxean. Eta laguntzaileen aperitifa azaroaren 8an Lurraman 18:30tan Eki standaren aitzinean.
Arantxa Idieder mintzatu da Viviane Ithursarryrekin.
2019ko Azaroaren 07a
Jakin urririk dela Eliraleren ikastaldia Senperen, Izenak emateko, azaroaren 16 eta 17ko ikastaldirako deitu 06.62.36.98.54 edo elirale.prod@gmail.com.
2019ko Azaroaren 07a
Sartze honetako Seaskaren ninia da Alhorga ikastola. Ahetze Arbonako ikasleak biltzeko helburuarekin, etxe batean instalatuak dira momentuz.
Ahetzeko bestetan, azaroaren 9an, 9 kilometroko lasterketa bat antolatzen dute, herriko elkarte bizian sartzeko gogoarekin ere.
Arantxa Idieder mintzatu da ikastolako buraso den Ramuntxo Labatekin.
2019ko Azaroaren 06a
Irratia panan egon ondotik hogei bat orenez, Gure Irratiko uhinak berriz martxan dira. Zein ederra den tximista, gau iluna argitzen duelarik, naturak bere indarra erakusten duelarik. "Gure Irratiaren antena izorratzen duelarik salbu..." genion orain arte, bainan hor ditu bere mugak erakusten teknologiak.
Azaroaren 5eko gauean izan den ekaitzak isilarazi zuen Baigura mendian dugun antena.
Eskerrak zuen pazientziagatik.
2019ko Azaroaren 06a
Enargia argindar ornitzaileak, osoki berriztagarria den energia eskaintza proposatzen du Xiberoa, Baxe Nafarroa eta Lapurdin.
Bilkura publikoak proposatzen ditu herri zonbaitzutan ondoko egunetan. Kooperatibako Patxi Bergararekin mintzatu da Panpi Mercapide.
Azkainen azaroaren 5 eta 7an, Saran azaroaren 6an, Baionan azaroaren 12an, Urruñan 18an, Itsasun 20an. Data guziak hemen.
2019ko Azaroaren 05a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016
