Bigarren musikatxiloaldia antolatzen du "Ixo"-k. Aurten ez da lehiaketa izanen bainan desafio bat.
Urtarrilaren 25a, ostiral arratseko 8etarik igande gaueko 8ak arte. Kantu bat sortu behar da 48 orenez. Antolaketako Mattin Perezekin hitzegin du Panpi Mercapidek.
2019ko Urtarrilaren 25a
Baionako Zizpa gaztetxeak bere hirugarren urte muga ospatuko du larunbat honetan. Eta aurten deliberatu dute Patxa Plazatik besta abiatzea arratsaldeko 4etan, animazio desberdinekin, poteo ostatuz ostatu eta gaualdia kontzertuekin gaztetxean bukatzeko.
Panpi Mercapide mintzatu da Marilou Lapeyrade gaztetxeko kidearekin.
2019ko Urtarrilaren 25a
Nazioarteko marrazkilarien SketchCrawl deialdia Euskal Herria osoan antolatua da azken urteetan. Aurten Hendaian da hitzordua larunbatean, urtarrilaren 26an goizeko 10etan. Momentuz izena eman dute 40 bat marrazkilarik, bainan gehiago hurbiltzen ahal litaizke.
Ekitaldi hunen antolaketan den Gorka Belaskorekin mintzatu da Panpi Mercapide.
2019ko Urtarrilaren 23a
Joan den urtean gazte talde batek deliberatu zuen Makea, Lekorne, Luhuso aldean libertimendua antolatzea. Aurten berriz motibatu dira otsailaren 3an Luhuson emaiteko goizeko 10etarik goiti. Bertsutan aritzeko Elixabet Etxandi eta Amets Arzallus gomitatu dituzte.
Luhusoko plazan hitzordua 10etan desfilearentzat, 11etan emanaldia eta ondotik bazkaria Makeako Mindegia gelan (Erreserbatzeko deitu 06.30.48.40.40) Euria bada emanaldia Makean iraganen da, Mindegiako aterpean.
Makean egiten zuten errepikaldi batean izan da Panpi Mercapide. Taula zuzendari lanetan ari den Xan Berterretcherekin mintzatu da
2019ko Urtarrilaren 22a
Usopop festibalaren 10.edizioa azkena izango da ezagutzen dugun formatuan. Antolatzaileek jakinarazi dute, elkarteak iraunen duela baina festibalak ez momentuko. 10.edizioarentza sortzaileen bihozkadak etorraraziko dituzte.
Anari, Asile Club, Efrim Manuel Menuck (of GY!BE), Joseba Irazoki Eta Lagunak, Lisabö, Lysistrata, Lankum, Madeleine, This Is The Kit, Lizarrieta Krono Eskalada, Los Chimberos, Martial Jesus Solis - A-side b-side dj set - Mikel Indezent DJak.
Festibaleko antolatzaile diren Joanes Garcia eta Patxi Dutournierekin egon da Marga Forestier.
2019ko Urtarrilaren 22a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016