Itsasuko gaueskolako ikasleen historia kronika segitzen dugu gaur.
2018ko Ekainaren 15a
Egun luzea izan da astearte hontakoa berriz trenbideetako langileentzat. Goizean goiz xuriz tindatu dituzte geltokiko ateak geltokia salgai ezartzen zutenaren itsura egiteko eta eguerdian banderola bat airarazi dute puxikekin, geltokiek ondare publiko izaten segitu behar dutela aldarrikatzeko. Han zen Ihintza Arrieta.
2018ko Ekainaren 14a
Ekainaren 21etik 25era Donibane Lohitzuneko bestak iraganen dira, aurten lehen aldiko Donibane Ziburuko gaztetxearen ekarpenarkin. Hiri erdiko Ramiro Arrue plazan programazio berezi bat antolatu dute kideek, herriko etxearen sustenguarekin.
Argitxu Dufau eta Elorri Charreton gaztetxeko kideekin mintzatu da Marga Forestier.
2018ko Ekainaren 14a
Paxkalekun Gaindi ekitaldia 2. aldiz antolatzen du Kanboko Errobi ikastolak. Ekainaren 17an, igandez, joko ibilaldiak egiten ahalko dira.
Antolaketako Beñat Recalt eta Maritxu Etxeverriak nolako ekitaldia den azaldu daukute.
2018ko Ekainaren 14a
Gorka Pagonabarraga Bizkaitarrak eraman du EHko bertsolarien eskolarteko xapelketa Saran, larunbat huntan. Pleka trinketea bertsozalez betea zen. 13 bertsolari gaztek parte hartu dute.
Aner Peritz Zarauztarra da xapeldun ordea. Lehen seietan sailkatu dira Irati Alcantarilla Urruñarra eta Elixabet Etxandi Izpurarra.
2018ko Ekainaren 12a
Aurten ere Hazparneko Ezkia ikastolak hitz ordua emaiten dauku igandean, ikastolan iraganen den seaska hustearentzat, Maider Duguine antolatzaileak erraiten daukun bezala.
2018ko Ekainaren 12a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016