Mitoak, kondairak eta leiendak Donibane Lohizuneko ihaute eguneko gai nagusi
Sorgin Gaua eta ihaute eguna Ziburuko eta Donibane Lohizuneko herrietan ospatuko dituzte aurten ere. Aste luze bateko ospakizuna abiatu zuten pasa den larunbatean, hartzaren iratzartze eta desfilearekin.
Ostiralean Ziburuko Sorgin Gaua eta larunbatean ihaute eguna Donibane Lohizunen, beste hitzordu batzu ere badira, tartean astearte honetan Thierry Truffaut-ren hitzaldia.
Arantxa Idieder mintzatu da Idoia Datxarri eta Elorri Charreton antolatzaileekin. Haien elkartea aurkeztu diote.
2020eko Otsailaren 18a
Iparra Hegoa Larresoron 25 urte betetzen
Iparra Hegoa egitasmoak 25 urte betetzen ditu aurten. Horren kari egun berezi bat antolatzen dute Larresoron, larunbatean otsailaren 15ean.
Etxepare lizeoak ere parte hartzen du azken urteetan. Pello Aranzabal lizeoko langileak aipatu digu egitaraua, eta edizioa berezia.
2020eko Otsailaren 14a
Ametsen Doinua gidoiarekin Next Station lehiaketa irabazi du Frank Harrietek
Jok Films ekoizpen etxeak bultzatu Next Station deitu 2.deialdia irabazi du Frank Harriet azkaindarrak.
Helburua zen hiru eguneko egonaldi batean urtarrila erdian, Miarritzeko mediatekan, websail berri baten gidoia lantzea Izaskun Arandia gidoigile eta ekoizlearekin.
Jokin Etxeberriak azaldu dauku zergatik “Ametsen doinua” lana hautatu duten. Frank Harrietek aldiz profesionalki bideoan edo soinuan lan egiten du, baina gidoi bat asmatzea beste lan bat da.
2020eko Otsailaren 13a
Gimnastika lehiaketa larunbatean Hazparnen
Hazparnen, asteburuan iraganen da departamenduko gimnastika lehiaketako lehen itzulia.
Herrian bertan Jauzika deitu gimnastika talde azkarra badute. Lapurditik bainan Baxenabarretik ere heldu dira gimnastikalariak, entzunen ditugun Adela, Maddi eta Ines bezala. Elix Mortalena burasoak erran daukun bezala, ez baita beste klubarik barnekaldean.
2020eko Otsailaren 13a
Yoga tailerra buraso eta haurrentzat
Buraso-haur yoga tailer bat proposatzen du Hazparneko ikastolak larunbat honetan.
Badu zonbait urte egiten duela Hazparnen tailerra Ekai Alkortak, momentu bereziak sortzen dira 3 urtetik goitikako haur eta burasoen artean. Arantxa idieder mintzatu da Oinutsik Yoga elkarteko tailer emailearekin.
Goizeko 10etan 3-5 urte artekoentzat da eta 11etan 6-9 urtekoentzat. 5 € da familiaka, eta lekua atxikitzeko deitu 06.15.27.81.94.
2020eko Otsailaren 13a
Gorputza eta ahotsa landu antzerki tailerrean
Gorpuzten tituluarekin, antzerki tailer bat proposatzen dute larunbat honetan Saran, Olhain ikastolan.
Gorputza eta ahotsa aktore lanetan ardatzak dira, eta hori lantzea proposatzen du Beheko Larraine konpainiako Miren Tirapu antzerkilariak. Arantxa idieder mintzatu da antzerkilariarekin.
Tailerra Olhain ikastolan izango da, larunbatean otsailaren 15ean, goizeko 10etatik 13ak arte. Izenak aitzinetik eman behar dira: hameka@communaute-paysbasque.fr
2020eko Otsailaren 12a