1940-45 urteen artean preso egon zen Jean-Baptiste Blézio hazpandarraren idatziak, ikerketa baten ondotik, liburu batean bildu dituzte, eta ostiral honetan aurkeztuko dituzte Baionako Elkar dendan, arratsaldeko 6:30tan.
5 urtez, Alemaniako leku desberdinetan egon da preso, lanbidez zapetagilea zena. Bere soldadu jantzian josirik gordetua atxikitzen zuen karneta ttipi batean, bere egunerokoa arkatz batekin idatzi du. Vincent Cosse bere arrasameak, Laurent Jalabert unibertsitateko irakaslearekin liburu batean bildu ditu eta ostiralean aurkeztuko dute.
Germaine Blézio, Battitta Blézioren alabak bere etxean ditu karneta horiek, Arantxa Idieder bere gana joan da hauen aipatzeko.
2023ko Martxoaren 22a
Biarritzeko Mizanbu gaztetxeak gaualdi bat antolatzen du larunbat honetan, bakegileen isunak pagatzen laguntzeko helburuarekin.
Ekipa berritu batekin dator Biarritzeko gaztetxea, egia erraiteko, taldeko kide gehienak ez direlarik biarriztarrak, baizik eta Angelu, Arbona edota Larresoroko bat. Gaualdia aipatzeko estakuruarekin, Arantxa Idieder hurbildu da Angelura beraz… Eñaut Etxepareborde eta Xuban Elizalde kideen ezagutzera.
Larunbat gauean, Miarritzeko Mizambu gaztetxean, gaueko 9etatik aitzina, Bad Sound System, Lukiek eta bistan dena DJ Mizambumbum!
2023ko Martxoaren 22a
Ezkia ikastolaren 50. urte mugaren ospakizunek segitzen dute.
Martxoaren 24an ostiralean, Hazparne Elizaberriko kapera ttipian bi talderen botzak aditzen ahalko dira 20.30tan: Entrexatak eta À¢Â€ÂœAH!À¢Â€Â deitu talde berria, azken honek bere lehen kontzertua emango du. Mikele Duhalde eta Eztitxu Oillarburu lehen taldean ari dira eta Pantxix Bidart AH! talde berrian. Antolatzaile, eta Ezkian ikasle izan diren kantari hauekin mintzatu da Arantxa Idieder.
2023ko Martxoaren 20a
Martxoaren 19an iraganen da Itsas Laminen korrika Angelun. Emazteeri soilik zuzendua, 10 kilometroko ibilbidea proposatzen du Angeluko Kimua ikastolak, La Barre itsas bazterretik abiaturik. Aurten, gainera, bigarren aldiko, Ikastolen arteko lehia ere plantan ezarria da. Antolaketa taldeko Jon Errekart-ek xehetasunak eman diskigu.
2023ko Martxoaren 17a
Australia eta Zelanda Berrira joanen gira gaur. Musikari gisa ezagutzen dugun Antton Larrandaburu Hazpandarrak, urte bat hartu du bidaiatzeko, bi herrialde hauetara.
Irailean heldu zen Australiara, ipar ekialdetik Sydneyra ibili ondotik bi hilabetez, abendutik Aotearoa-Zelanda Berrian da.
Australian aborigenoen bizia, sinesmenak, eta post-kolonialismoaren ondorioak ezagutu nahi zituen.Zelanda berrian aldiz, errekak eta arrainak ditu helburu. Arrantzale pasionatua da Antton, eta azken hilabeteetan, autoan lo eginez, errekaz-erreka dabil bere uli-kanabera eta gitarrarekin.
2023ko Martxoaren 16a
Hazparneko Jauzika gimnastika taldeak, emaitza ederrak bildu berri ditu departamenduko txapelketan: taldeka eta indibidualki. Paradaz baliatu gira talde horren ezagutza egiteko jokolari eta trebatzaile den Adela Legras Cachenaut-rekin.
2023ko Martxoaren 14a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016