Itzultzaile berria sarean, zure zerbitzuko
Adimen artifizialean eta sare neuronaletan oinarritutako puntako teknologia da itzultzaile berri hau. Urririk da itzultzailea.eus webgunean aurkitzen ahal dena, baita telefonoko aplikazioa ere deskargatuta.
5 hizkuntza mintzatzen ditu: euskara, gaztelania, frantsesa, katalana eta galegoa. Beste zerbitzu batzu ere baditu, dokumentu osoak adibidez itzultzen ahal ditu. Elhuyar fundazioko Itziar Cortes Etxaberekin mintzatu da Panpi Mercapide.
2019ko Abenduaren 10a
"Eskalada kanpoan egiten da eta naturari lotua den kirol bat da"
"Altxa" eskalada-mendi elkartea 2006an sortu zen, ingurumena errespetatzen duten mendi kirolak garatzeko.
Maylis Hargain, elkarteko kidea da eta bere pasioa den eskalada aipatu dio Panpi Mercapideri.
2019ko Abenduaren 09a
Leku historiko bat promotore baten esku
Baionako San Andresen, leku historiko bat desagertzekotan da. San Andres elizaren parean den "aumonerie des étudiants"-eko ate gibelean, 300 lekuko zinema gela bat gordetzen du eraikin batek. Eskola girixtino bat ere bazen.
Bastiza, 1972an hetsi zuten. Auzo guztiek berriki jakin dute Baiona ttipiko parropiako elkarteak promotore bati saldu diola. Eta honek, baimena badu eraikuntza botatzeko eta 22 bizitegi berri eraikitzeko."Sauvons l’ancienne salle de spectacle bayonnaise" izeneko petizio bat izenpetu daiteke. Leku hori ongi ezagutu duten Angèle Mendiburu eta Arroxa Muruamendiarraz-ekin mintzatu da Kriztof Arotzarena
2019ko Abenduaren 04a
Mundu baten bukaera aurreikusi eta pentsatu
Ipar Euskal Herri eta hego Landesetako Kolapsonautek bilkura ideki bat antolatzen dute ostiral honetan Baionan.
Kolapsologia, edo zibilizazio industrialaren bukaera gogoetatzen eta aztertzen duen taldea da. Frantzia mailan, Pablo Servigneren idatziek oinarri bat pausatu dute.
Baionako Kolapsonautetaz mintzatu da Arantxa Idieder, Gilles Rivière kidearekin.
Hitzordua, ostiral huntan, 6.30tan, Baionako Loustaounaou bidea, 36 zenbakian. Emailez izena ematen ahal duzue, edo informazio gehiagorentzat contact@kolapsonautes.org eta webgunea www.kolapsonautes.org
2019ko Abenduaren 04a
Brokoa uretarik berriz aterako da, konpondua izaiteko
Itsas-Begia elkarteko laguntzaileek, Brokoa itsas-ontziaren konponketa lanak abiatu zituzten Azkaingo portuan. Ostiral arratsaldean 6.30, Zokoan uretarik berriz ateratuko da txalupa. Arcachonerat eramanen baitute, aldi huntan bidetik, konponketa lanen segitzeko! Uste baino lan gehio bazen, Aines Arizmendi Itsas Begia elkartekoak erran daukun bezala.
Diru bilketa parte hartzaile bat abiatuko dute ostiral hontan, Brokoa untziaren zahar berritze lan hauen fresen estaltzeko.
Infoak itsas.begia.eu webgunean
2019ko Azaroaren 28a
"Berdintasunari bai, eraso sexistei ez!"
Larresoro mobilizatuko da eraso sexisteri EZ erraiteko, larunbatean azaroaren 30ean sentsibilizazio arratsalde bat antolatuz.
Aurtengo herriko bestetan izan zen bortxaketatik abiatu da egitasmoa. Biztanleak, herriko elkarteak eta Herriko Etxearen nahia izan da.
Philippe Goyetche, Larresoroko lehen auzapez ordeak, oroitarazi dio Panpi Mercapideri elgarretaratze hunen zergatia.
2019ko Azaroaren 28a