Panel fotovoltaikoak, zurezko parketak, pegartegiak, edota berogailuak; Patxa'maren webgunean, bigarren eskuko materiala prezio apalean proposatzen dute.
2019an sortu elkartea lekuz aldatu da. Miarritzeko Haraustan zuen eremu ttipia utzi du. Eta orain Baionako St Bernard karrikan aterbe handia prestatzen dio Euskal Elkargoak.
Egoitza berrira joan zauku Kriztof Arotzarena, Olivier Hirigoien kudeatzaileetarik batekin mintzatzera.
2022ko Ekainaren 07a
Basusarriko Biez Bat ikastolak antolaturik, larunbatean iraganen da Haurren eguna.
Dantza, tailerrak, Pontx pailazoa, musika, jateko eta edateko, Aize Duhalde burasoak Panpi Merkapideri aipatu dio eguna.
2022ko Ekainaren 03a
The Lookers taldeko Mikel Toyos gitarristarekin mintzatu da Alaia Phillips Ducau, haien disko berriaz eta larunbatean emango duten kontzertuaz.
Ekainaren 4an Azkainen, Xoko Ona ostatuaren 6 urteen kari joko dute.
2022ko Ekainaren 03a
Ekainaren 4an, Ibaialderen besta eguna izanen da Angelun.
Estropadak eta besta uztartu dituzte, ZiaBodega deitu egun hortan.
Ziaboga eta Bodegaren arteko nahasketa. Ziaboga traineruen hiztegiko hitza aipatu dauku Kati Petrissans Ibaialde elkarteko kideak.
2022ko Ekainaren 02a
Eskubaloian, Euskal Kostako bigarren taldea Nazional 2 mailara iganen da. Elkarte horrek, Angelu, Miarritze eta Baiona elkartzen ditu. Lehen ekipa nazional 1ean ari da, nesketan den mailarik gorena Ipar Euskal Herrian. Bainan gaur, bigarren taldea dugu aipatuko, Xabi Carricart Ndeye Seune jokolari gaztearekin egon baita.
Urteko azken partida galdu dute Périgueux-ren kontra 30 eta 20. Bainan emaitza horrek ez du deus aldatzen.
2022ko Maiatzaren 30a
Ekainaren 6ra arte, Nahia Garat argazkilari amizkutarraren ISLADA erakusketa ikusgai duzue Atalante zinegelan. Aisialdi zentro batean animatzaile zelarik, haurrekin harrapatutako mementuak erakusten ditu hortan, irudi xuri eta beltzetan.
Ekainaren 1an, arratseko 8tan Xabi Hayet musikariak kontzertua eskeiniko du erakusketan. Marga Forestier mintzatu da Nahia Garat-ekin.
2022ko Maiatzaren 30a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016