Artisten obrak oinarri Donibane Ziburuko ihauterien mozorroarentzat
Donibane Ziburuko ihauteriak ondoko asteburuan dira. Aste guzian hitzorduak badira ihauterien giroan sartzeko. Oroitaraziz, pasa den asteburuan abiatu zirela ihauteriak Hartzaren eguna eta lasterketarekin. Egitarauan besteak beste, ostiralean Sorgin Gaua eta biharamunean, otsailaren 16ean afaria Donibaneko Sardina erretegian Nat eta Watson-ek alaiturik (izenak eman deituz 0632533917)
Argitxu Dufau antolatzailearekin egon da Panpi Mercapide, asteburuko bilanarekin hasiz.
2019ko Otsailaren 12a
Hozkailua gaur Baionako Etxepare lizeoan denentzat
Unai Iturriagak idatzi "Hozkailua" antzerkia, Huts Teatroako Patricia Urrutia eta Ander Lipusek eman dute 3 egunez Baionako Etxepare lizeoan. 400bat ikasleen aitzinean, Etxeparekoak baita Villa Pia eta Cassin-etik etorriak ere.
Ostiral arats honetan proposatzen dute ere publiko zabalari ideki saio bat gaueko 8.30tan lizeoan berean Baionan. Panpi Mercapide mintzatu da Manex Fuch taula zuzendariarekin.
2019ko Otsailaren 08a
Euskararen hilabetea ihauteriekin abiaten dute Baionan
"Txapa soinean, ibili Baionan" lema izaiten ahal litaike hilabete honetan Lapurdiko hiriburuan. Bederatzi ekitaldi proposatzen dituzte martxoaren 2a arte.
Baionako Zizpa gaztetxeak antolatu egitaraua aipatu dugu Unai Ttikirekin. Lehenik Panpi Mercapideri erran dio zoin ziren ekitaldiaren helburuak.
2019ko Otsailaren 07a
Zuraideko etxalde batek Urrezko Eskalapoia ukan du
Akitaniako Behi Blonda saileko Urrezko eskalapoi saria ukan du Zuraideko Jean Pierre Uharriz-en Ordotzgoitia etxaldeak. Frantziako mailako sari hau azken bost urtetan, 25 behi ahatsedunekin ukan dituen emaitza onen ondorioa da.
Behi hazkuntzaz gain, 300 ardi buru gorri esnadun hazten dituzte, 40 hektarako eremuan. Familia ikustera joan da Laurentx Etxegoin.
2019ko Otsailaren 07a
Kanboko ikastolaren aldeko gaua gaztetxean
Xutik, If Renaud Was A Punk eta DJ Balpores ikusten ahalko dira otsailaren 8an, ostiralez Kanboko gaztetxean. Errobi ikastolak antolatu kontzertuan izanen den Xutik taldeari interesatuko gira, bateriajolea eta kantaria den Ortzi Hegoasekin.
Panpi Mercapidek ohartarazi dio haien diskoen ateratzeko erritmoa segitzen baldin bada, laster behar luketela disko bat ateratu.
2019ko Otsailaren 06a
Jaka Horien hamabigarren mobilizaziotik lekukotasuna
Baionan, larunbat gauean Jaka Horiek antolatu gaueko ibilaldia arrakastatsua izan zen. Ehunka jende bildu da hamabigarren mobilizazio egunean. Landesetatik eta Biarnotik ere hurbildu dira jaka horiak. Karriketan barna ibili dira, ahal bezain bat arrabots eginez. Gauean zehar banketxe edo asegurantza batzuen berinak hautsi dituzte, eta frantses lehendakariaren kontrako grafitiak ere egin. 5 atxiloketa izan dira.
Bere burua bortizkeriarik gabeko mugimenduko kide gisa aurkezten duen Jean Louis-rekin egon da besteak beste Panpi Mercapide.
2019ko Otsailaren 05a