Euskal Herriko 13. Mus txapelketa laster abiatuko da. Urtarril hastapenetik martxoaren 13ra arte, herrietako kanporaketak izanen dira. 7 probintzietan, gero finalak martxoaren 26-27an izanen dira eta final handia, Baigorrin, apirilaren 9-an.
Xerrar Urrutia antolatzaileetarik batekin mintzatu da Kriztof Arotzarena.
2022ko Urtarrilaren 07a
"Larrun Azpitik" Joseba Aurkenerenak idatzi olerki bilduma argitaratu berri du Amalur-Baitak.
Hortaz mintzatu zaio Joseba Aurkenerena Kriztof Arotzarenari.
2022ko Urtarrilaren 07a
Pilotan esku huskan, Battitta Ducassou itsasuarrak, Donibane Garaziko Super Prestige lehiaketako finala jokatuko du igande arratsalde honetan, Mathieu Ospitalen aurka.
Kriztof Arotzarenak Ducassourekin mintzatzeko parada ukan du
Finala zuzenean Euskal irratietan, 5 orenetarik goiti.
2022ko Urtarrilaren 07a
Leinua eta Ametza ikastolarekin batera, Uhaina Hiriburuko kultura elkarteak Olentzero gomitatzen du larunbat goizean Hiriburura.
Thomas Brillaxis eta Kattin Dassans kideek xehetasunak eman dizkigute goizaldeaz.
2021eko Abenduaren 17a
Abenduaren 18an larunbatean Biarritzeko Mizanbu gaztetxeak bere 20 garren urtebetetzea ospatuko du. Renaud Davant lehendakariarekin egon da Kriztof Arotzarena.
Kontzertuak arratseko 8etatik goiti eta sartzea 5 eurotan.
2021eko Abenduaren 17a
Futbolean Aviron - Genêts Ipar Euskal Herriari doakion maila goreneko derbia izango da larunbat honetan. Frantziako National 3 mailan ari dira; sailkapenean 4garren eta 5garren dira, puntutze berarekin.
Joan den larunbatean iragan behar zen partida, baina uholdeek gibelarazi dute. Abenduaren 18an beraz Baionak du Angelu errezebituko, atsaldeko 6 orenetan.
Genêts taldeko Xan Harluxetekin mintzatu da Kriztof Arotzarena.
2021eko Abenduaren 17a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016