Gure Irratiaren 40 urteak ospatzeko, Abenduaren 11an egun berezia antolatu du lan taldeak. Uztaritzeko estudioetatik, goizeko 11etarik, arratseko 7ak arte, gure uhinetan zuzenean ariko gira.
8 orenez, hitzartze, oroitzapen, bertso, joko, musika eta beste, laguntzaile eta entzuleekin partekatzeko eguna izango da.
Anartean 4 kronika izanen dira astelehenez.
Yvonne Arrossa, Gure Irratiako langile ohia eta ondotik Euskal Irratiakeko laguntzaile izanaren lekukotasuna bildu du Kriztof Arotzarenak.
2021eko Azaroaren 16a
Ostiralero 8:45ean Jamattitt Dirassar laguntzailearen berriak.
2021eko Azaroaren 15a
Araban muntatu duten kooperatiba bat aurkeztera etorriko da ostiral honetan, Senpereko larraldea gelara, Gartzen Garaio.
Laudion kokatua den Aiaraldea Ekintzen Faktoria, 750 metro karratuko gunea da, euskaraz bizitzeko, eraikitzeko sortu dutena. Hedabide bat, ostatua, jatetxe, antzoki bat, haurrentzako jolas gune eta beste, bizi den gunea da Faktoria.
Elixabet Andueza Lapurdi 1609 elkarteko kidearekin egon da Arantxa Idieder. Ostiral honetan Gartzen Garaio kooperatibako kidea, 6etan Senpereko Larraldean.
2021eko Azaroaren 10a
Sustengu kantaldia Senperen, ostegun arrats huntan, segi aitzina elkartearen alde.
Elkarte hau uda huntan sortu da, Kaskarot musika taldeko hiru kide erreumatismoari loturiko eritasunetarik hunkiak baitira. Helburua da eritasuna ezagutaraztea, eta dirua biltzea ikerketarako baita eritasun horrek hunkitzen dituenen egun guzietako bizia errexteko ere.
Marie Ana Dartaguiette-k 21 urte ditu, eta bere eritasunaz mintzatu zaio Jone Barnetxi.
2021eko Azaroaren 10a
Lekorneko Baigura ikastolak 10 urte bete zituen iaz, eta ekitaldiak proposatuko dituzte hunen kari. Lehena azaroaren 13an kontzertu handi bat proposatuz. 7etarik goiti jateko eta edateko, Nat eta Watsonekin, Zetak, Willis Drummond eta DJ Bullekin.
Panpi Mercapide mintzatu da Arantxa Duhalde eta Paul Mendiburu burasoekin.
2021eko Azaroaren 10a
Ipar Euskal Herriko herri gehienetan bezala, Luhusoko herrian ere karriken eta etxeen seinaletika eta zenbaketa eguneratu dute.
Su hiltzaileentzat, zuntz optikoa hedatzeko, postarien laguntzeko egin behar izan dute. Luhusoko herrian hautua egin dute bide seinaleak euskara hutsean egitea.
Panpi Mercapide herriko harat hunatetaz mintzatu da Ximun Larralde axuantarekin.
2021eko Azaroaren 05a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016