Egun handia ospatuko du larunbat honetan Kanboko Gaztetxeak.
Duela aste gutti Itsasuko gaztetxeak 35 urte betetzen bazituen, Kanboko Emaitza gaztetxeak 25 beteko ditu, egitarau eder batekin: Su Ta Gar izanen baitute afixa buru.
Parada ezin hobea, 25 urte horien iblbidea aipatzeko, bi kiderekin. Olatz Idoate egon da, sorreran zen Mayi Saint Esteben, eta gaur egun gaztetxeko kide den Luma Hirigoienekin.
Aurresalmentak egunean egingo dira, larunbatean eguerditan denentzat gelan, eta 17:00etatik goiti H2Biere ostatuan.
Tokiak mugatuak izanen dira eta kanpoan aterpe bat izanen da.
2023ko Abenduaren 14a
Zaldiaren laguntzaz, gizarteratzea edota ongizatea proposatzen du Oihaneki, Jatsuko elkarteak.
Hiriburu, Hazparne eta Kanbo artean, 30bat hektarea oihanen erdian da Ekiterapia egiten duen zalditegia.
2019an sortu elkartean Mathilde Bordenave psikomotrizialaria ta ekiterapeuta, eta Elodie Novelac zaldi irakasle eta sofrologoa ari dira lanean. Haur eta heldu ahulduak laguntzen dituzte, eritasun bat dutenak, elbarritu ala prekaritate sozial luzean direnak.
Zalditegira hurbildu da Arantxa Idieder, Ximun Dolhare elkarteko presidentearekin gunearen bidita egin du.
2023ko Abenduaren 13a
Konkolotx elkarteak, Lapurdi, Baxenabarre eta Xiberoako haurtzain etxe euskaldunen arteko elkarlana sustatzen du.
Elorri Arin denbora erdiz arizanen da elkartearen animatzen. Diru bilketa bat abiatu dute Hello Asso plataforman, 10000 euroko muga eman dute, momentuz %70 bildu dute.
Panpi Mercapidek xehetasunak galdegin dizkio Elorri Arin-i.
2023ko Abenduaren 08a
AEKrekin segitzen duen formakuntzaren baitan, ikastaldi bat egin behar zuen Corinne Mansok, eta Gure Irratian egitea deliberatu du.
Aste bat pasa du gure artean, bere euskara hobetzen, gure lanbidea ezagutzen eta guk ere bera pixkat gehiago ezagutzeko parada izan dugu. Corinne Mansok mahai jokoekin animazioak proposatzen ditu.
2023ko Abenduaren 07a
15 urte baizik ez ditu eta jada Europako txapeldun da Uhaina Hegoas.
Body-surflaria da eta Marokon, duela aste zenbaitzuk, ikurrina altxatu zuen hiriburutarrak, 18 urtez petikako mailan baita sail idekian ere bai.
Uhaina Hegoasekin mintzatu da Kriztof Arotzarena.
2023ko Abenduaren 04a
Senpereko Kattalin Elizalde Ikastegiaren lehen besta iraganen da abenduaren 3an kolegio berrian.
10etan ateak idekiko dituzte.
11etan "Gaztelondon zer berri" errezitala
13tan Bazkaria
16etan "Ketariatik mundura" nano pastorala
2 burasorekin aipatu du egunaldia Panpi Mercapidek, eta kolegioa mublatzeko behar duten diru bilketa kanpainaren berri ere hartuko duguMaider Cigarroa eta Mixel Bidegainekin:
2023ko Abenduaren 01a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016