BERRIAK

Haur bat, liburu bat

haur_bat_liburu_bat

MP3 jaitsi

Ikusi Mikusi, haur eta gazte literatura azoka 2021eko Urriaren 8 eta 9an Saran lehen aldiz antolatzen dute.

Kiribil konpainiak, Pamiela argitaletxeak eta Galtzagorri elkarteak dira antolatzaile. Saran egiten da, Idazleen Biltzarraren asteburu berean, literaturaren bidez adin guztietako handi eta ttipiak hunkitzeko gisan.

Ikusi Mikusi-ren lema: Haur bat = liburu bat, da.

Azoka horren bidez, antolatzaileek nahi lukete eskola egunean etorriko den haur bakotxari "liburu bat eskuratzeko bono bat eskaini": helburua betetzeko, diru biltze kanpaina bat antolatzen dute, Itsulapikoa plataforman.

2021eko Ekainaren 18a

BERRIAK

Hiru kaskorik ez aurten, baina bi kasko bai!

hiru_kaskorik_ez_aurten_baina_bi_kasko_bai_

MP3 jaitsi

Hirukasko mendi ibilaldia, aurten berriz izendatzen ahal litaike "Bikasko".

Ekainaren 19an iraganen da Iparla eta Artzamendin, Bidarraitik abiatuz, Itsasurat heltzeko aurtengo Hiru Kasko berezia. Aldaketa batzuekin antolaketa aldetik, baita ibilbide desberdina ere proposatuko da. Hirubelakasko Nafarroan izanki, ibilbidetik kendu dute.

Xehetasunen biltzerat izan da Panpi Mercapide, antolaketako Ximun Zubietaren gana.

2021eko Ekainaren 14a

BERRIAK

Ikasleek agenda ere euskaraz izan dezaten

ikasleek_agenda_ere_euskaraz_izan_dezaten

MP3 jaitsi

Iraileko sartzerako, agenda bat euskaraz proposatzen du Bidarteko ikastolak.

Bereziki lehen mailako haurrei, eta kolegioko gazteeneei zuzendua zaie agenda berri hau, baina zergatik ez helduentzat ere. Eskas bat zelakoan abiatu dute proiektua. Bidarteko ikastolako Celine Etxebarne eta Sandra Yarzabal-ekin mintzatu da Arantxa Idieder.

Agenda 12 eurotan manatzen ahal duzue edo deitu zuzenki Celine 06.71.64.42.69.

2021eko Ekainaren 11a

BERRIAK

Jone Bordato shiatsulariarekin uda giroan

jone_bordato_shiatsulariarekin_uda_giroan

MP3 jaitsi

Bihotza eta suaren elementuari lotzen zaien hertze edo heste meheaz mintzatu zauku hilabete honetan Jone Bordato Shiatsularia.

Udan sartuak garelarik, energetika txinatar tradizionalaren egutegian, gorputzeko giroa zertan den aipatzeko.

2021eko Ekainaren 11a

BERRIAK

Senpereko ikastolako haurrek migrazioa landu dute ikusgarri batean

senpereko_ikastolako_haurrek_migrazioa_landu_dute_ikusgarri_batean

MP3 jaitsi

"Mugimendua" deitu ikusgarria, ostiralean aurkeztuko diete Senpereko ikastolako haurrek burasoei. Ama ikastolako, eta lehen mailako ikasle guziek landu dute klasean, migrazioaren gaia aurten. Euskaldunen historia markatu duen migrazioa, bainan bistan da, aktualitatean dugun migrazio bortitza.

Manex Fuchs antzerkilariarekin lantzen dute ikusgarria. Antzerki, kantu eta bertsuz osatu ikusgarria ostiral honetan deskubritzen ahalko dute, Senpereko ikastolako burasoek Larreko gelan.

Arantxa Idieder hurbildu da Zalbubi ikastolara, errepika egun batean.

2021eko Ekainaren 08a

BERRIAK

Amua antzerkia bi ikastolen alde

amua_antzerkia_bi_ikastolen_alde

MP3 jaitsi

Axut! konpainiak aurkeztu Amua antzerki berria ikusten ahalko da ekainaren 5ean larunbatez 7tan Hazparneko mendeala gelan.

Antolatzaile diren bi ikastoletako ordezkariekin xehetasunak: Hazparneko Ezkia ikastolako Elixabet Aizager eta Beskoitzeko ikastolako Julen Jauregi.

2021eko Ekainaren 04a


Gure Irratia, bidea eginez

1981 2024

Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)

Gure Irratiak 8 langile ditu denbora osoz urte osoan eta laguntzaile sare zabala du.

Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.

1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.

2009 | Egoitza berritura itzultzen

Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.

(Milesker Kanaldude-ri egindako bideoagatik)

Gure Irratiak 40 urte!

40 urte baietz!

40 urtez euskarari ahotsa emanez!

Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.

Gure Irratiak rol soziala badu, Euskal Irratiak sareko irrati guziek bezala.

Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.

Emaitza egin lotura honetan KLIKATUZ


Gurekin harremanetan sar




segurtasun kodea

Gure Irratia - Landagoien - 64480 UZTARITZE | tel: 05 59 59 30 01

Legezko oharrak | Diseinua eta programazioa iF Diseinuak - 2016