Euskara irakasle postu erdi baten galtzeko lanjerrean da Zokoako Untxin eskola elebiduna. Hori aitzin ikusten du departamenduko ikuskaritzaren eskola karta berriak. Elkarretaratzea antolatu zuen Ikas Bik ostegun goiz huntan eskola aitzinean.
Burasoez gain, Urruña eta Ziburuko hautetsiak ere han ziren erabaki horren salatzeko À¢Â€Â“ Filipe Aramendi Urruñako auzapeza eta Leire Larrasa Ziburuko axuantaren ihardokitzeak bildu ditu Kriztof Arotzarenak
2021eko Martxoaren 05a
Berriki sortu den Urruñako Antzerki eskolak liburu bat plazaratu du, elkartea diruztatzen laguntzeko. Urtaroak deitzen den liburuxkak, 12 orrialde ditu, Ixabel Etxeberria eta Garbiñe Ubedak dute sortu.
Unai Villakorta Urruñako antzerki taldeko presidentearekin solastatu da Olatz Idoate.
2021eko Martxoaren 05a
Martxoaren 8ak du ekarri EME8 Azkaingo talde feministaren sortzeko bidea.
Azaroan hasi ziren elkartzen Azkaingo emazte batzu, martxoaren 8a kari, ekimen asteburu bat sortzeko. 12 dira gaur egun taldean. Astebururako antolatu zituzten hitzaldi, merkatu eta ekimenak ezeztatzea behartuak izan dira baina talde dinamikak segituko du.
Arantxa Idieder Azkainera hurbildu da, Elorri Manterola eta Haize Bolinaga taldeko bi kiderekin hitz egitera. Haiekin harremanetan jartzeko, Facebooken bitartez edo emailez: EME8.azkaine@gmail.com
2021eko Martxoaren 05a
Martxoaren 8a kari, nazioarteko emazte langileen eguna kari, Saran manifestaldi bat antolatuko dute, baina bezperan, martxoaren 7an, igandez izango da.
Eskualdeko talde feminista guziek deitua dute, "Inposizioen-Oposizioen gainetik, Herri feminista gira". Horren aipatzeko Olatz Idoate Aline Oronozen gana joan da.
2021eko Martxoaren 05a
Larrun mendian 800 hektarea erre dira duela aste bat pasa. Pastore Lore elkarteak diru bilketa kanpaina abiatu du bazkarik gabe gelditzen diren kabalentzat soro eta belarra erosteko.
Joan den ostegunean, laguntzaileak hasi ziren lehen mañaterak pausatzen eta pottokei bazka ekartzen.
Traktorearekin lanean zela atxeman dugu Pastore Lore elkarteko presidente ordea, Jean Louis Laduche. Pastore Lore laguntzeko, leetchi.com webgunean egiten ahal duzue.
2021eko Martxoaren 01a
HEGALDIA, Paueko Lagunt eta Maita elkartearen gizon koroak disko berria plazaratu du, HERRIA GOGOAN izenarekin, 14 kantuz osatua.
Diskoaz mintzatzeko, Mixel Iribarren kantaria elkarrizketatu du Kriztof Arotzarenak. Diskoa eskuratzeko, 05 59 02 09 43 edo laguntetamaita@gmail.com
2021eko Otsailaren 26a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016