Haur eta nerabeei eskaini antzerki tailer gero ta gehio dira.
Jostakin elkarteak Makea aldean antzerkia beti sustatzen du, eta ildo hortatik pentsatu dute antzerki eramaile izaiteko ikastaldia antolatzea heldu den udan. Izena emateko: jostakin.elkartea@gmail.com
Peio Berteretxe herritarra, antzerkilari profesionala, izanen da tailer hauen animatzaile. Panpi Mercapide harekin mintzatu da.
2021eko Urtarrilaren 15a
Frantziako Kultura ministerioak egitasmo deialdi bat abiarazten du urtero. Kultura ondare immaterialaren alor batean gaitasunak dituzten laborategi eta elkarteei zuzendua zaie.
Deialdi horrek inbentario-fitxak ekoiztea du xede. Horrela, 2018 eta 2020 urteen artean, Euskal Kultur Erakundeak neguko bestei lotuak diren lau inbentario-fitxa osatu zituen. Sarean ikus daitezke.
Xehetasunak bildu ditu Kriztof Arotzarenak, Terexa Lekumberri EKEko langile eta etnologoaren bidez.
2021eko Urtarrilaren 15a
Elizondo, Erratzu, Amaiur edota Elbete, Baztan osatzen duten 15 herrien parte dira. Herri bakotxak, zinpeko-auzapeza badu.
Zinpeko auzapezak, eguberri aitzineko igandean hautatzen dituzte, bi urtero. Eta 15 auzapez horien ordezkari nagusia, Baztango auzapeza da. Aspaldian plantan den antolaketa berezia da Baztango idatzietan, 1437 urtean agertzen zena jada. Baztango auzapeza, eta beraz Baztango Batzar nagusiko burua den Joseba Otondorekin hitz egin du Arantxa Idiederrek.
Momentuz, Arizkunen, Iruritan eta Elizondon zinpeko-alkaterik gabe dira.
2021eko Urtarrilaren 15a
Animatzaile izateko gaitasun agiria edo AIGA, pasatzeko formakuntza saio berri bat proposatuko du aurten ere Uda Lekuk, otsaileko bakantzetan otsailaren 13tik 20erat.
Uda Lekuko Amets Lahetjuzan eta Kepa Muescarekin ikastaldia aipatu du Panpi Mercapidek. Momentuko formakuntza hauek egingarri dira Amets Lahetjuzanek erran daukun bezala.
2021eko Urtarrilaren 12a
Pilotan, Garaziko Super prestige lehiaketa bukatu berria delarik, Peio Larralderen garaipenarekin, Frantziako Federakuntzaren buruz burukako txapelketak hartuko du segida egutegian. Funtsean bada bi asteburu hasia dela eta aurten formula berri batekin, pilotari guziak multxotan banatuak baitira.
Pilotariak zertan diren jakiteko, horietako batekin elekatu da Olatz Idoate, Ion Iturberekin.
2021eko Urtarrilaren 08a
Euskal Kultur Erakundeak bultzatu Eleketa multimedia erakusketa ibiltaria eta Zapat(h)ari, Hazparneko zapatagintzari buruzko proiektu antropologikoa eta artistikoa, trabatu zituen COVIDaren krisiak 2020an.
Bi ekimenak zertan diren jakiteko, Terexa Lekumberri, Euskal Kultur Erakundeko langilearekin mintzatu da Kriztof Arotzarena.
2021eko Urtarrilaren 08a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016