Pilotan, Garaziko Super prestige lehiaketa bukatu berria delarik, Peio Larralderen garaipenarekin, Frantziako Federakuntzaren buruz burukako txapelketak hartuko du segida egutegian. Funtsean bada bi asteburu hasia dela eta aurten formula berri batekin, pilotari guziak multxotan banatuak baitira.
Pilotariak zertan diren jakiteko, horietako batekin elekatu da Olatz Idoate, Ion Iturberekin.
2021eko Urtarrilaren 08a
Euskal Kultur Erakundeak bultzatu Eleketa multimedia erakusketa ibiltaria eta Zapat(h)ari, Hazparneko zapatagintzari buruzko proiektu antropologikoa eta artistikoa, trabatu zituen COVIDaren krisiak 2020an.
Bi ekimenak zertan diren jakiteko, Terexa Lekumberri, Euskal Kultur Erakundeko langilearekin mintzatu da Kriztof Arotzarena.
2021eko Urtarrilaren 08a
À¢Â€ÂœPoints de vueÀ¢Â€Â festibala kari, obra parte hartzailea burutu du Andoni Maillard artistak, 3000 imanekin. Hozkailuan kolatzen diren À¢Â€ÂœmagnetÀ¢Â€Âetaz ari gira. Publikoak ere bere ekarpena egin dezake, iman bat mugituz, kenduz edo bere etxetik ekarritako beste bat gehituz.
Baionako Charles De Gaulle plazako bizikleta garagearen pareta batean ikus daiteke. Arte ikasketak bururatu ondotik, 2009an hasi zen bere obrak erakusten Andoni Maillard. Kriztof Arotzarenak elkarrizketa du.
2021eko Urtarrilaren 08a
Beñat Loyatho artistaren erakusketa, Hazparnen Choribit gelan ikusten ahal duzue mementu huntan, eta urtarrilaren hamar arte atxikia izanen da. Aurten, Hazparneko tindulariaren erakusketak gibelatuak izan dira pandemiarengatik, baina hogoita zortzi tindu ikusgai jarri ditu.
Usaian, bezala, erreka, itsaso, laborantza eta paisai munduan egoiten da. Olatz Idoate lankidea izan da erakusketan harekin solastazeko.
2021eko Urtarrilaren 05a
Kiribil konpainia, artearen bitartez, Angeluko ETXEA harrera medikalizatu egoitzan sartu da.
Bi urteko proiektu lodia muntatu du konpaniak, bertan bizi diren 50 bat egoilierrekin abiatu dutena. Pertsona eskizofreniko edota autistekin, arte mota desberdinak garatzen dituzte. Abendu erditsutan, Kiribil konpaniako 4 artistek astea pasa dute egoilierrekin, haien etxean.
Apirilean berriz beste aste bat pasako dute, bi helbururekin. Bata, erakusketa koletibo bat sortzea, bakotxaren sentsibilitate artistikoekin eta bestea, artearen eragina neurtzea egoilierren garapenean.
Arantxa Idieder egon da Kiribil konpaniako Charlotte Guilharretze eta Paxkal Indorekin.
2021eko Urtarrilaren 04a
Baionako Cordeliers karrikaren 25.ean, ostatu ilun bat ezagutu dutenek, artista tailer argi eta zabal bat ikusiko dute orai.
Züzülü deitu gunea ideki du Nicolas Armendarizek, lekuaren jabe berriak. Pott serigrafia enpresaren tailerrak hor atxiki ditu, eta hor dira ere beste 4 kide berri eta kafetegi xoko bat ere idekiko du.
Leku goxo bat nahi du izaitea Nicolas Armendarizek, proiektua aurkeztu dio Panpi Mercapideri:
2020eko Abenduaren 21a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016