Lekorne gainean kokatua den Pospolin estetika arta etxera hurbildu gira. Konfinamendu garai desberdinen ondotik, berriz ideki du berriki Maiana Hegik edertegia.
Duela 7 urte instalatu zuen bere etxean, emazteentzat xoko goxoa izan nahi zuen Bio edertasun etxea. Depilazioak, makillatzeak, irudi aholkuak eta masajeak proposatzen ditu.
Arantxa Idieder joan da Maiana Hegiren edertasun etxearen bisitatzera… Irudi aholkuen artean, proposatzen duen kolorimetria zer den esplikatu dio.
2020eko Abenduaren 11a
Baionako musika kontserbatorioan batzuek klaseak berriz abiatu dituzte, profesionalizatze ibilbidean direnek adibidez. Bainan besteek interneten bitartez segitzen dituzten, sarean.
Marina Beheretxe biolin irakaslea da, eta Iparraldeko Orkestra Sinfonikoan lehen biolin postua du ere. Azaro hastapeneko, Orkestrak prestatu zuen kontzertua publikoari ezin idekia, France 3ak filmatu ondoan urte bukaeran hedatuko dute frantses telebistan.
Arantxa Idieder haren gana hurbildu da horiek aipatzera.
2020eko Abenduaren 11a
Beskoitzeko ikastolak ere eguberri kari salmenta proposatzen du: kapoiak salduko dituzte urte ondar honetan. Jatetxeak hetsiak direlarik lekuko ekoizle bat laguntzea dute xedea ere, salmenta eginez ikastolaren alde.
Julen Jauregi ikastolako burasoarekin aipatu du Panpi Mercapidek.
2020eko Abenduaren 07a
Suhiltzaileak aipatuko ditugu: haien lana, eta garai hauetan usaian banatzen baitituzte egutegi famatuak. Aurten ez dira etxez etxe pasatuko, bainan beste manera batez eskuratzen ahalko dira, adibidez, saltegi batzutan atxikiko dituzte permanentziak.
Ellande Moustiratz suhiltzaile profesionala da Pauen, eta laguntzaile Kanbon. Hori guzia aipatu dute Panpi Mercapiderekin.
2020eko Abenduaren 07a
Baionako OTSOKOP kooperatiba parte hartzaileak baditu proiektuak urte bukaera honetan. Kide gehiago lortzeko ateak idekiko ditu larunbatetan.
Xehetasunen bila joan da bertara Marga Forestier eta Ixabel Cassan de Gorostarzu Otsokop-eko kideak egin dio bisita.
2020eko Abenduaren 04a
Hiriburuko Gizarte Ekintzarako Herriko Zentroa edo CCAS delakoaren lana hobeki ezagutuko dugu. Aipatuko dugu ere garai berezi hau nola kudeatzen ari diren.
Niko Elizalde zuzendariaren gana joan da Kriztof Arotzarena.
2020eko Abenduaren 04a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016