Garai huntan denda ttipiak hetsiak direnez, aterabide hedatuena "klik eta bil" formula da. Eguberri aitzineko salmentak ez galtzeko gero ta komertsant gehiagok interneteko salmenta hasi dute: bezeroak interneten manatzen du, eta dendarat erosi gauzen bila doa.
Hautu hau egin duen Fabrika dendako Iñaki Hirigoienen ganat joan da Panpi.
2020eko Azaroaren 19a
Ikastola guziak COVIDak ondorioztatu egoerari egokitzen ari zaizkio, ekitaldiak, eta horien bidez, diru sartzeak atxemaiteko.
Urte guziz bezala, Arberoa ikastolak Eguberriko merkatua antolatuko du... aldi huntan, zuen manaketak interneten bidez egiteko.
Joelle Thikoipe eta Ainara Orbezua burasoekin bildu da Kriztof Arotzarena.
2020eko Azaroaren 16a
Abenduaren 25eko Eguberriko eguna aitzin, egunero opari bat ukaiteko egutegien garaia da. Baigura ikastolak, egutegi berezia sortu du, haurrak egunero opari bat eraiki dezan, eta burasoekin batera aktibitate bat proposatuz.
Egunero, kartoizko etxetxo bat eraikitzeko egutegia sortu du ikastolak. Arantxa Idieder mintzatu da, Alice Guilsou Casenave buraso, eta etxetxoen sortzailearekin.
Baigura ikastolaren egutegien sortzean, Aña Carrere ere grafismo lanetan ari izan da, eta Donibane Copie inprimategiak aterako ditu. Manatzeko beraz: baigura.animazio@gmail.com azaroaren 20a aitzin.
2020eko Azaroaren 13a
Joan den uztailetik, Senpereko Mirentxu Azkarragak bere baratzeki, arroltze edo erreximentak tresna automatiko batean salgai ematen ditu Senpereko Amotze auzoan, etxaldearen ondoan.
Mirentxu Azkarragak Panpi Mercapideri bere burua aurkeztu dio.
2020eko Azaroaren 13a
Kanboko mediatekako ateak ere adibidez hetsiak dira bainan maileguak hala ere posible dira, mediatekako webgunean hautatu eta harat bila joanez.
Panpi Mercapide mintzatu da Kati Bereterbide liburuzainarekin.
2020eko Azaroaren 13a
Wolfram sindromeak bista arazo larriak sortzen dizkio Iluneri. Bainan "Treat Wolfram" programan sartuko da azaroaren 23tik goiti. Horrek, eritasunaren ondorioak hobetzen ahal lituzke, eta hoberenean, sindromearen garapena geldiarazi.
Peio Dufau, Iluneren aitarekin solastatu da Kriztof Arotzarena.
2020eko Azaroaren 10a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016