EMANKIZUNAK | ASTEAZKENEKO GOMITA
2024ko Irailaren 25a
Jean Luc Mendizabal azkaindarra, telefonoaren beste aldean egon da gurekin / GURE IRRATIA
Hitza Mintza Azkaingo elkarteak, euskaraz solasean aritzea proposatzen du astearte arratsaldetan. Ateraldi edota animazioak ere antolatzen dituzte urtean zehar.
Jean Luc Mendizabal elkarteko lehendakaria genuen gomita astezken goiz honetan, Panpi Mercapiderekin.
EMANKIZUNAK | ASTEAZKENEKO GOMITA
Kiribil konpainiako Amaia Hennebuttek Ikusi Mikusi azoka aipatu digu / GURE IRRATIA
Irakasle, idazle, marrazkilari, kontalari, antzerkilari, proiektu eramaile eta Kiribil konpainiaren sortzaile izan da ere, asteazkeneko gomita Amaia Hennebutte izan dugu aste honetan.
Saran, urriaren 11 eta 12an izanen den Ikusi Mikusi haur eta gazte literatura azokaren 4. edizioa aipatu dugu.
Parise aldean, Montreuil-en egiten den azokan inspiratu zen Amaia Hennebutte, bakarrik euskarazko ekoizpenez osatu azoka hunen sortzeko. Eta formula atxiki dute, ostiralez eskolentzat eta larunbatez familientzat.
2024ko Urriaren 02a
EMANKIZUNAK | ASTEAZKENEKO GOMITA
Pantxika Urruty Barkoxen sortua, eta Lapurdin errotua / GURE IRRATIA
Pantxika Urruty errejenta, gure astezken goizeko gomita izan da aste honetan. Inesa De Gaxen pastorala, bakarrik zuzentzen duen bosgarren lana da.
Ekainean asteburu berean bi aldiz eman zuten Bastidan, Bardozen berriz emanen dute irailaren 21 eta 22 honetan 15.30etan.
Txartelak sarean erosten ahal dituzue edo Elkar dendan Baionan eta Ipar Euskal Herriko turismo bulegoetan.
Panpi Mercapideren gomita izan da ordu batez Pantxika Urruty.
2024ko Irailaren 18a
EMANKIZUNAK | ASTEAZKENEKO GOMITA
Pantxoa Bergara Xabaltxek galderei erantzun eta pare bat kantu bota ditu zuzenean / GURE IRRATIA
Asteazken goiz honetan, Pantxoa Bergara Xabaltx artista genuen Asteazkeneko Gomita gure estudioan.
Zuraideko artista, kantari, musikari, irratilari, telebistako aurkezle, makila egile edota zaldizalea; aipagaiak ez dira eskas Xabaltxekin. Horrezgain ere disko berria ere urte ondarra gabe argitaratuko duela jakinarazi digu.
Panpi Mercapideren galderei erantzun eta kantu pare bat ere zuzenean eman ditu Xabaltxek.
2024ko Irailaren 11a
EMANKIZUNAK | ASTEAZKENEKO GOMITA
Kattina Haran Razin, irailaren 4ko Asteazkeneko Gomita eta sasoi berriko lehena izan da / GURE IRRATIA
Asteazkeneko Gomita bereziaren bigarren sasoia ireki dugu irailaren 4 honetan Gure Irratian, Kattina Haran Razin lehen gomitarekin. Ordu batez beraz, berekin hitz egiteko denbora hartzen du Panpi Mercapidek elkarte munduan murgildua den Kattina Haran Razinekin. Hitzopen gaztetxea, EHZ festibala, Korrika edo berriki Zubi Xuria elkartearekin - Zurito ostatu ttipia sortu dute Itsasun.
Ibilbide oparoa duen lapurtarrak, lanbidez psikologoa dela azaldu dauku, ikasketak lehenik Tolosan egin ditu eta Kolonbian ere ikastaldi bat egin zuen.
2024ko Irailaren 04a
EMANKIZUNAK | ASTEAZKENEKO GOMITA
Maryse Urruty antzerkia bere pasioaz aritu zauku / GURE IRRATIA
Martxutakoa sortzez, Maryse Urruty antzerkilaria izaiteaz gain, musikari, taula zuzendari eta kantari da ere.
Antton Lukurekin egin zituela lehen urratsak antzerkian erran dauku.
Ikasketak, Sciences-Po Tolosan egin zituen. Berriz etorri zen Euskal Herrirat 2017an, Itzuli konpaina sortu zuen, eta gero ta gehio sartu da euskal antzerkiaren munduan. Langile zorrotza da eta ideiak ez ditu falta.
2024ko Ekainaren 27a
EMANKIZUNAK | ASTEAZKENEKO GOMITA
Naia Robles Aranguiz-ekin bere disko eta lanak aipatu ditugu / GURE IRRATIA
Naia Robles-Aranguiz musikari kantaria izan da gure asteazkeneko gomita. Bere ibilbidean hamaika disko ateratu ditu, hiru bakarlari gisa eta azkena Musik’haria deitua, Yannick Telletxea eta Xabi Albisturrekin.
Papogorri ikusgarria aipatu digu, eta irakaskuntza utzi zuela musikoterapian formatzeko ere kondatu dio Panpi Mercapideri.
2024ko Ekainaren 19a
EMANKIZUNAK | ASTEAZKENEKO GOMITA
Ekhi Lambert Gure Irratiko estudioetan egon da, bere azken diskoaz eta orokorkiago bere ibilbideaz hitz egiteko / GURE IRRATIA
Sortzez Irulegikoa den Ekhi Lambert musikaria genuen gomita goizean. “Haustura” lehen diskoa atera zuen 2019an, eta joan den urte ondarrean “Inbasioak” deitu lana.
Bere bakarlari proiektuetaz gain, bestentzat sortzen ditu musikak eta konponketak. Musikaz bizi dela esplikatu dio Panpi Mercapideri.
2024ko Ekainaren 12a
EMANKIZUNAK | ASTEAZKENEKO GOMITA
Maia Etchandy Euskal Kultur Erankundean mediazio kulturalaz arduratzen da / GURE IRRATIA
Aste honetan Asteazkeneko Gomita Baionako Euskal Kultur Erakundean (EKE) mediazio kulturalaz arduratzen den Maia Etchandy izan da.
EKEren erronkak, arrangurak aipatu dituzte, tartean literatura laguntzea.
Panpi Mercapideri besteak beste gai hauek aipatu dizkio. Mediazioa egiteko momentuan, elkarteak direla heien ganat heldu erran dauku Maia Etchandyk.
2024ko Ekainaren 06a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016