"Helburua da kontsumoa berriz Urruñan ematea, hemengo denda guziekin behar guziendako erantzuna bada"

2024ko Azaroaren 27a

Helburua%20da%20kontsumoa%20berriz%20Urrunan%20ematea_%20hemengo%20denda%20guziekin%20behar%20guziendako%20erantzuna%20bada

Mikela Forestier komertzioaren eta merkatuaren arduraduna da Urruñako herriko etxean / GURE IRRATIA

Urruñako Herriak, bere komertsantak eta ofizialeak nahi izan ditu lagundu eta goraipatu aste berezi baten bidez: Merkataritza eta ofizialegoaren astean sartu du Urruña herriko etxeak.

Mikela Forestier, komertzioaren eta merkatuaren arduraduna, egunaren helburuak aipatzeko gomitatu dugu, bainan bere ibilbideaz hitz egiteko ere.

Dantzak garrantzia handia du Mikela Forestieren bizian

Urruñako aste bereziaz hitz egiteaz gain, ttipidanik izan duen ibilbibidea dantzan aipatu du ere Panpi Mercapidek, Mikela Forestierekin.

MP3 jaitsi (46 Mo)

EMANKIZUNAK | ASTEAZKENEKO GOMITA

"Denak poetak gara, eta norbera bakarra baita, bakoitza munduko poeta handiena da"

Denak%20poetak%20gara_%20eta%20norbera%20bakarra%20baita_%20bakoitza%20munduko%20poeta%20handiena%20da

Auxtin Zamora senpertarrarekin, bere bizi ibilbidea edota olerkia aipatu ditugu / GURE IRRATIA

MP3 jaitsi

Auxtin Zamora senpertarra izan dugu gomita asteazken goiz honetan Gure Irratian.

Olerkari, argazkilari, artistak bere azken lana aipatu digu. Senpereko etxe gehienen itzulia egin du, hauen izen, helbide, datu geografikoak biltzeko. Lan hau eta 26. Hatsaren poesia bilduma aurkeztuko ditu Durangoko azokan.

Joan den asteburuan izan zen Loraldiberri Urruñako azoka, nahiago duela Durangokoari salatu digu.

2024ko Abenduaren 04a

EMANKIZUNAK | ASTEAZKENEKO GOMITA

"Kultura mailan, nahi izan dut nire harri ttipia eman gure garapeneko bidean"

Kultura%20mailan_%20nahi%20izan%20dut%20nire%20harri%20ttipia%20eman%20gure%20garapeneko%20bidean

Filgi Claverie azaroaren 20ko Asteazkeneko Gomita izan dugu / GURE IRRATIA

MP3 jaitsi (61 Mo)

Filgi Claverie, Biarritzeko kultur eragilea izan dugu gomita astezken honetan.

Kultura arloan, egitura desberdinen sortze edo garapenean parte hartu du: Eihartzea kultur etxea, Euskal Kultur Erakundea, Seaska, Biarritz Culture, Maitaldia, Dantzaz konpainia edota Errobi lurralde eremuko kultura zuzendari gisa ere.

Ibilbide oparo eta anitza izan du Filgi Claverie-k

Biarritz Culture aipatu digu emankizunaren bigarren zati honetan. Baina Filgi Claverieren aktualitatea orain erretretan sartu denetik, Hazkurri bankuan laguntzaile dela orain.

Urtero bezala garai honetan, asteburuan azaroaren 22, 23 eta 24an Frantzia mailan janari eta oinarrizko produktuen bilketa asteburua da, eta hori ere xehekiago aipatu digu Claveriek.

MP3 jaitsi (62 Mo)

2024ko Azaroaren 20a

EMANKIZUNAK | ASTEAZKENEKO GOMITA

"Telebista munduan, bat batean dena bukatzen da, dena hasten den bezala"

Telebista%20munduan_%20bat%20batean%20dena%20bukatzen%20da_%20dena%20hasten%20den%20bezala

Joanes Etxebeste "Pontx" pailazoak bere ikusgarri berria aurkeztuko du larunbatean / GURE IRRATIA

MP3 jaitsi (66 Mo)

Aste honetako gomita, Joanes Etxebeste Saratarra izan dugu.

19 urte ditu, eta ttipitan hasi zen telebistako pailazoak imitatzen: horrela sortu du Pontx pailazoa.

Bi ikusgarri sortu ditu: Gelara joan den urtean, eta aurten Denak plazara! Larunbatean estrenatuko du azken hau, azaroaren 16an, arratsaldeko 5.30tan Saran. Bi disko ere argitaratu ditu ikusgarrieri lotuak.

Goazen telesailaren esperientzia

Joanes Etxebeste gomitarekin aktore lanaz aritu dira ere, nola landu duen, harremanak nolakoak ziren, egunero testu baten ikastearena edota 16 urtetan etxetik urrun bizitzearena.

MP3 jaitsi (57 Mo)

2024ko Azaroaren 13a

EMANKIZUNAK | ASTEAZKENEKO GOMITA

"Kanpoko jendeeri enbeia eman behar diegu euskara mintzatzeko eta euskal kultura onartzeko"

Kanpoko%20jendeeri%20enbeia%20eman%20behar%20diegu%20euskara%20mintzatzeko%20eta%20euskal%20kultura%20onartzeko

Serge Isteque, Baigorrin sortu den biarriztar errotua / GURE IRRATIA

MP3 jaitsi (65 Mo)

Serge Istèque Baigorriarra, orain Miarritzen bizi dena ginuen Asteazkeneko gomita aste honetan. Dantzari, kirolari, ostalari ere izana, eta gaur egun “Aita zendako?” ikusgarria muntatzen ari dena.

Heldu den urteko udan emango dute komedia-musikal hau, Miarritzen eta Donibane Garazin uztailean. Serge Istèquek xehekiago aipatu dio Panpi Mercapideri.

Biarritzeko komertsanten arduraduna

Serge Istequen ibilbide oparoaz aritu dira asteazkeneko gomitaren tartean. Ibilbide hortan Baigorrin sortua, Biarritzeko komertsanteen burua egon da, G7 garaian kudeaketa konplikatua izan zela aipatu digu.

MP3 jaitsi (62 Mo)

2024ko Azaroaren 06a

EMANKIZUNAK | ASTEAZKENEKO GOMITA

“Eskasa bazen haurrentzako kantuen arloan, eta gogoa ginuen kantu horiek grabatzea”

Eskasa%20bazen%20haurrentzako%20kantuen%20arloan_%20eta%20gogoa%20ginuen%20kantu%20horiek%20grabatzea

Arantxa Lannes uztariztarra, dantzaria, margolaria eta kantaria da / GURE IRRATIA

MP3 jaitsi (64 Mo)

Artista anitza gisa aurkezten ahal genuke dantzaria, margolaria edota kantaria den Arantxa Lannes.

Uztariztarra aste honen asteazkeneko gomita izan dugu, aktualitatean baita Plisti Plasta disko berriarekin. Alabena konpainiariaren zigilupean, Maider Martineau musikariarekin batera haur kantuak biltzen dituen diskoa lehen aldiz aurkeztuko dute ostiral honetan Kanboko AIEC gelan arratsaldeko 5etan.

Diskoa aipatu aitzin, artista lanbideaz aritu dira Arantxa Idieder kazetariarekin, haurtzarotik hasita ikasketak, ibilbide hautuak eta artista izaiteak dituen zailtasunez ere.

Plisti Plasta kontzertu dantzaldia azaroaren 1ean Kanbon

FLIPLUF ikusgarriaren segida gisa hartzen ahal genuke, Plisti Plasta Kontzertu dantzaldi eta diskoa. Azaroaren 1ean Kanbon aurkeztuko dute haur eta burasoei zuzendu proiektu musikala.

Patrick Fisherrekin grabatu duten diskoa, kontzertu "parte hartzaile" batean aurkeztuko dute azaroaren 1ean, 17.00etan Kanboko AIEC gelan.

MP3 jaitsi (66 Mo)

2024ko Urriaren 31a

EMANKIZUNAK | ASTEAZKENEKO GOMITA

"Musikaria taula gainean eta antzokietan bada bakarrik, iduritzen zait zerbait falta zaiola"

Musikaria%20taula%20gainean%20eta%20antzokietan%20bada%20bakarrik_%20iduritzen%20zait%20zerbait%20falta%20zaiola

Pantxix Bidart artista irratira hurbildu da bere gitarrarekin / GURE IRRATIA

MP3 jaitsi (60 Mo)

Goiz honetako asteazkeneko gomita Pantxix Bidart hazpandarra izan dugu. Musikari, kantari, irratilari, kronikari eta gasna saltzaile ere izan da. Hainbat musika proiektutan ibili da, Mister Saguakekin hasi, Elaudi, BBAX, Bibi edo gaur egun AH! taldearekin.

Zuzeneko elkarrizketaz gain, kantu batzu ere kantatu dizkigu bere gitarrarekin.

Harri Xuria Eskuetan ibilaldi performatiboa igandean

Igandean Luhuson izanen da "Harri xuria eskuetan" Le Petit Theatre de Pain taldearen egitasmoan parte hartuko du. Beste artista batzuekin eginen den ibilaldi performatiboa aipatu du Panpi Mercapiderekin.

MP3 jaitsi (66 Mo)

2024ko Urriaren 23a

EMANKIZUNAK | ASTEAZKENEKO GOMITA

"Feldenkraisean gehienik beldurrarazten duena, izena da"

Feldenkraisean%20gehienik%20beldurrarazten%20duena_%20izenada

Kattalin Etxeberrik, Feldenkrais saio bat proposatu du zuzenean / GURE IRRATIAN

MP3 jaitsi (53 Mo)

Asteazkeneko gomita, Kattalin Etxeberri Baionan bizi den baxenabarretarra izan dugu.

Feldenkrais metodoa aipatu dugu, Kattalin Etxeberrik praktikatzen eta irakasten duena. Hasteko zer den eta nola hasi den esplikatu dio Panpi Mercapideri, eta saiatzeko parada eskaini dio ere.

Feldenkrais saio bat zuzenean Gure Irratian

Fendenkrais metodoa ulertzeko, egokiena saiatzea da. Horregatik Kattalin Etxeberrik proposamen berezia egin digu, zuzenean saio bat proposatuz.

Etxean, lasaiean den gune batean egitea gomendatua da.

MP3 jaitsi (58 Mo)

2024ko Urriaren 16a

EMANKIZUNAK | ASTEAZKENEKO GOMITA

"Diseinuan keinu batzu egiten dizkiogu tradizioari, ez gehiegi bestela biper gorrian bukatzen duzu"

Diseinuan%20keinu%20batzu%20egiten%20dizkiogu%20tradizioari_%20ez%20gehiegi%20bestela%20biper%20gorrian%20bukatzen%20duzu

Jean Louis Iratzoki Azkaingo diseinatzailea / GURE IRRATIA

MP3 jaitsi (58 Mo)

Diseinu industriala egiten duen Jean Louis Iratzoki izan dugu asteazkeneko gomita. Azkainen du bere bulegoa bere aitak zuen lehengo zurgintza tailerrean.

Alki, lanpara, aire purifikadore edo bestemarrazten ditu Iratzoki Estudioak.

Harro da Jean Louis Iratzoki, duela hogeibat urte hasi lanaz Alki enpresarekin. Bere usaiako modeloetatik haratago joaiteko parioa egin baiztuen, eta lortu duela erran daiteko, enpresak izan duen garapena ikusita.

Hemendik liburua ere aipatu du Jean Louis Iratzokik

Italiako bidai batean ezagutu duen musika talde bat partekatu ondotik, Hemendik liburua aipatu dio Panpi Merkapideri.

Euskal Herriko objektuak, eta beraz diseinuak biltzen dituen liburua, laster sarean ikusgai izango dena.

MP3 jaitsi (49 Mo)

2024ko Urriaren 09a

Gure Irratia, bidea eginez

1981 2024

Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)

Gure Irratiak 8 langile ditu denbora osoz urte osoan eta laguntzaile sare zabala du.

Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.

1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.

2009 | Egoitza berritura itzultzen

Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.

(Milesker Kanaldude-ri egindako bideoagatik)

Gure Irratiak 40 urte!

40 urtez euskarari ahotsa emanez!

Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.

Gure Irratiak rol soziala badu, Euskal Irratiak sareko irrati guziek bezala.

Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.

Emaitza egin lotura honetan KLIKATUZ

Gurekin harremanetan sar

Gureirratiaren txioak

Gure Irratia - Landagoien - 64480 UZTARITZE | tel: 05 59 59 30 01

Legezko oharrak | Diseinua eta programazioa iF Diseinuak - 2016