MP3 jaitsi (34 Mo)

1925 urtean sortu zen Maielen Echevarria, Kanbo gainean. Baina 3 urte dituenetik, Kanbo beherean bizi izan da.Terexa Lekunberri antropologoak hilabete honetan, Kanbo behereko bizia ongi ezagutu duen Maielen entzunarazten digu.

Jesus Etchevarria artista gisa, ezaguna zenaren emaztea da ere, biak artistak ziren, bainan senarra izan zen ezagunena. Auzoko oroitzapenak ekartzen ditu: Gaxuxa Pixixa, “beren ofizioa” zuten auzoko eskale ezagunak, Espainiako gerlatik ihesean ziren errefuxiatuen etorrera, haien harrera eta Jesus artistarekin izan zuen biziaz.

MP3 jaitsi (38 Mo)

Astronomia ziklo batean sartu berri da Biarritzeko mediateka, eta hainbat topaketa edo hitzaldi proposatzen ditu.

Larunbat honetan apirilaren 12an, 11etan Itziar Garate astrofisikaria hor izango da; bere lantaldearekin batera, Euskarak eguzki sistematik at bere leku ttipia izan dezan lortu baitute. Hemendik, 27 Argi Urtetara diren Su eta Gar izenak dituzten exoplaneta eta bere izarra hala izendatzea lortu zuten.

Xamar-ren “Biziaroak, herri kultura” liburua gogora ekarriko digu ere Norak, “Idi Ohoinak” konstelazioaren historia kondatzeko gogoa izan baitu

Apirilaren 19an Aranzadi elkartea ere hurbilduko da mediatekara, berak sortu duen euskarazko planisferoa aurkeztera.

MP3 jaitsi (19 Mo)

IKAS pedagogia zerbitzu eta mediatekak bere azoka antolatzen du, hilabete bukaeran apirilaren 28, 29 eta 30ean.

Duela 4 urte antolatu zuten azkena. Haurrentzako liburuak, euro bat, bi edo hiru eurotan eta batzu urririk bereziki helduentzako eleberriak.Parada izango da batzuentzat ere hiru egun horietan, zerbitzua bera ezagutzeko.

Fred Larrondoren gana joan da Arantxa Idieder.

MP3 jaitsi (19 Mo)

Wunderhorse talde ingelesa entzunaraztea proposatu digu hilabete honetan Joanes Garcia Basurko kronikariak. 2024ko agorrilean Midas bere bigarren diskoa argitaratu zuen.

Taldeak, laurogeita hamargarren hamarkadan jotzen zen rock, grunge estilotik edaten du. Disko berri hori, zuzeneko soinua atxikitzeko kezkarekin grabatua dute, taldeari bere indarra erakusteko parada eskainiz.

MP3 jaitsi (34 Mo)

Sauveur Noblia, 1927 urtean Ezpeletan sortu zen Basaburu auzoan den Segurakoborda etxaldean.

Terexa Lekunberri antropologoak, hilabete honetan laborari izan zena aipatzen digu. Baina bereziki bere lantegiko lanaz aritu dira Arantxa Idiederrekin: Aturri bazterreko Mousseroles-ko burdinolan izan zen langile, beti bere etxealdeari lotua izanik ere.

Langile sutsua, eta lankide lagunekin zuen lotura garrantzitsua zitzaion, sindikatu kide zenarentzat. 1968ko garaiko manifestazio eta greba mugimenduak aipatu dituzte ere.

MP3 jaitsi (37 Mo)

Nora Arbelbide kronikariak Jack London-en Basabizitzaren deia eleberria aipatu digu hilabete honetan.

Euskarazko itzulpena da baina Hitz Irulek argitaratuaren berezitasuna, testua sinplifikatua duela da, esaldi laburrekin paragrafo airestatuekin. Irakurtzeko zailtasunak dituztenentzat irakurketa posible egitea da edizio berezi honen helburua.

Nora Arbelbidek, Buck xakurraren istorioa preziatu du baina deigarri egin zaio, “azalgorrien” edo bertakoen leku eskasa; obretan, emazteen lekua aztertzeko baliatzen den “Bechdel testa” erabili du.

• Bukaerako kantua: Airjazz, Taku/Alaskako raplaria - Ix̱six̱án, Ax̱ Ḵwáan (I Love You My People) kantuarekin.

MP3 jaitsi (21 Mo)

Filadelfia aldera eramaten gaitu Joanes Garcia Basurko kronikariak, Dr.Dog taldearekin.

2018 urtean kontzertuak uzten zituela iragarri zuen taldeak, alta sorpresa sortuz 2024ko udan hamaikagarren diskoa iragarri zuten. Estilo anitz jorratzen dituen taldea, popzaleek aspaditik segitzen dute.

MP3 jaitsi (36 Mo)

Terexa Lekunberriren pasa den hilabeteko kronikan, Jeannot Goihenetxe-rekin Bidarten ginen, eta aldi honetan ere herri beran gelditzen gira, Jana-Mari Mendiboure-kin.

Jana-Mari Harisboure, 1930ean sortu zen Makeako Urruti Ttipia baserrian.

Ama zendu eta zenbait urtera 1958an Itsasura joan ziren aitarekin. Pierre Mendiboure bere senarra izango zena ezagutu, ta Itsasun finkatu ondoan, Angelun eta azkenik Bidarten instalatu ziren. Euskara, euskaltasuna, eta barnealdeko biziarekin lotura bereziki aipatu zizkion Terexa Lekunberri antropologoari.