2020eko Abenduaren 18a
Jone Bordato shiatsularia da Hazparne aldean / jonebordato.wixsite.com
Energetika txinatar tradizionalaren egutegiaren arabera, neguan sartuak gira joan den azaroaren 14az geroz.
Neguak dakarren energia, baita giltzurrunak ere aipatuko dauzkigu Jone Bordatok
2020eko Abenduaren 18a
Maialen Alfarok proposatzen dituen tresnak lasaitzeko beste manera batez aurkezten ditu / M.Alfaro
Bi lan aurkeztu dizkigute gaur IKAS zerbitzutik.
“Amalurra opor beharretan da” Maddi Zubeldiak eta Xano Halsouetek sortu ipuin musikatua aurkeztu digu IKASeko Unai Zubeldiak. Ondotik, beti Ikas-ek argitaratzen duen “Lasaitasunez Loratuz” Karta Kutxa - Maialen Alfaro egilearen eskutik argitasunak.
Xiberoan euskara irakasle izan zen Madalena Jauregi, eta metodo bat ere landu zuen / EUSKONEWS
Madalena Jauregiberri, 1884 urtean sortu zen Zibozeko Anderearen bizi kondaira eginen dauku Joseba Aurkenerena gure kronikariak. Nazien kontrako borrokan aktibo egon zen emazte abertzalea. Euskaltzain urgazlea zen, eta 1975ean Euskaltzaindiak ohorezko euskaltzain izendatu zuen.
Josebaren ustez "euskaldunok ez dugu Sibosea etxeko anderearekin dugun zor handia kitatu". Xiberotar idazle eta euskaltzaleaz egon da hizketan Joseba Aurkenerena, Kriztof Arotzarenarekin.
2020eko Abenduaren 08a
Karmele Jaiok adibidez Eskailerapeko deitu ipuina idatzi du.
Aines Haristoy Bilketa.eus atariko kronikariak aldi honetan, beste webgune bat aipatzea proposatzen digu. Irakurketa sarean egiteko manera, baina berezitasun ainitzekin. Zirriborroak eta Gerok atarirako sortzaile izatera bultzatzen ditu idazleak. Gainera, zuen telefonoetan ipuinak, whatsapeez edo telegram bitartez ukaiten ahal dituzue egunero, edo begi alfer edo akituentzat, idazleak berak irakurrita ipuina entzuten ahal duzue.
Aines Haristoyek aurkeztu dio Arantxa Idiederri.
2020eko Abenduaren 04a
Lehen konfinamenduan jada plantan eman zuten mediatekan antolaketa berezia / Biarritzeko Mediateka
Aldi honetako kronikan Nora Arbelbidek, hetsialdiaren ondorioei egokitzeko, Miarritzeko Mediatekak “Klik and Kolekt” sistema plantan ezarri du.
Nora Arbelbide Mediatekako langilearekin egon da Kriztof Arotzarena.
2020eko Azaroaren 25a
Jone Bordato shiatsularia da Hazparne aldean / jonebordato.wixsite.com
Hilabetero gurekin dugu Jone Bordato shiatsularia. Aldi honetan, energetika txinatarraren oinarrian den Yin eta Yang sinboloa esplikatu dio Kriztof Arotzarenari.
Bata negatiboa eta bestea positiboa? Ez da hain sinplea.
2020eko Azaroaren 13a
Pablo Tillac-ek irudikatu zuen Joanes Zuhigaraitxipi kortxarioa / WIKIPEDIA
Joanes Zuhigaraitxipi “Kortsario txipia”-ren bizi kondaira egin dauku Joseba Aurkenerena kronikariak. 17garren mendearen itsas giroan sartzen gaitu Josebak, Kriztof Arotzarenarekin batera.
2020eko Azaroaren 12a
1927an Larrasquet-Prioria (Jean) Abade apezak grabatu zituen prediku bat bi euskal kantu herrikoi / BILKETA
BBAX taldeak, Arnaud Oihenartek 1657 urtean atera kantu bat berriz hartu du berriki, Bilketak hunen testua argitaratu du. Horrezgain prediku bat eta bi kantu xiberotarrez sarean eman ditu Bilketa.eus webguneak.
Aines Haristoyekin aipatu ditu Arantxa Idiederrek.
2020eko Azaroaren 06a
Mécaniques Discursives, Yannick Jacquet eta Frédéric Penellen obraren zati ttipi bat / GURE IRRATIA
Baionako Didam erakusketa gelan, azaroaren 15a arte Graphic Waves erakusketa antolatua zuten. Geroztik konfinamendua indarrean jarri du frantses gobernuak, eta erakusketa gelak ere bere ateak hetsi behar izan ditu.
Spacejunk galeriarekin elkarlanean antolatua, karrikako artea eta digitalaren arteko topaketa proposatzen dute. Bideoren erabilpenaz gain, bisitariak ere obra suntsikorran parte hartzen ahal du.
Maika Lapoublek, bisita gidatu birtual bat proposatu digu Arantxa Idiederrekin, berez bertan euskaraz proposatzen zuen bisita egitekoa zuelarik.
2020eko Azaroaren 05a
Fernando Arambururen nobelak arrakasta handia du baina kritikak ere jaso ditu.
Eleberri handia ote da Patria? Eta gertakari baten ulertzea laguntzen ote du eleberriak?
Liburuaz bi hitzordu berezi antolatu zituen Miarritzeko mediatekak urriaren 30 eta 31an. Konfinamendua plantan jarri ondoan ezeztatu behar izan dituztenak. Fernando Arambururen Patria euskal gatazkaren “kontakizunaren” edo memorian pil-pilean kokatzen da. Javier Rodríguez Hidalgok (Angerseko unibertsitateko irakasle agregatua, itzultzailea eta saiakera idazlea) euskaraz eta frantsesez hitzaldia eman behar zuen.
Nora Arbelbide Miarritzeko mediatekako langilearekin aipatu du Kriztof Aroztarenak. Spoilerraz ez bazarete beldur, entzutekoa den kronika.
2020eko Azaroaren 03a
1981 2021
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen.
Berriz ere obrak egin artean, Gure Irratia, Uztaritzeko herriko etxeak prestatu egoitza batean da eta 2009ko azaro ondarreko gure lehengo egoitzarat itzultzea.
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita : Ihintza Arrieta kazetaria. Aipaldia : Ttur Ttur Tur encierro ttiki. LasterK : Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia : Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Nortasun fitxa
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016