KRONIKAK
IKAS | PEDAGOGIA
Ikas pedagogia zerbitzuan azoka egunak hasi dituzte apirilaren 28an, eta apirilaren 30ean bukatzen da. Liburuak prezio ttipian atzemango dituzue.
Azokara doaztenen artean, Arantxa Idieder hurbildu da Uztaritzeko bulegoetara, maiatzaren 24an izango duten Biltzar nagusia aipatzeko, Aines Dufau zuzendariarekin.
2025eko Apirilaren 29a
BERRIKETARIAK | MAKEA
Astelehenero 9:10ean, Paul Mendiburu laguntzailearen berriak.
2025eko Apirilaren 28a
BERRIAK
Biologikoan lanean ari diren Lekorneko Garro-ko baratzezainek, lili txikien salmenta egingo dute aurten ere. Apirilaren 26tik aitzina, larunbat guziz hilabete batez, goizero irekia izanen da salmenta. goizeko 9ak eta 12ak artean, maiatzaren 17an izango da azken eguna. Zuen baratzean kuiatxo, tomate edota entsaladak biologikoan, landatzeko parada.
2020 urte bukaeran hasi ziren negutegi berezi hori martxan jartzen, lehen helburua zelarik, bost etxalderentzat landareak proposatzea. Hazitik abituta, 320 000 landare txiki handiarazi ditu orotara aurten Argitxu Iturriak.
2025eko Apirilaren 25a
BERRIAK
Miarritzeko BO eta Euskadiko selekzioko 18 urtez petikako errugbilariak ohoretan izanen dira ostegun honetan, apirilaren 24an. Lagunarteko partida jokatuko dute Agileran, arratsaldeko 6etatik goiti, BO talde profesionalaren aintzin partida gisa, azken honek Beziers errezibituko du.
Gazteek, beren maila erakusteko parada izanen dute, baina, hori baino gehiago, BO-k duela urtea pasa hasi duten elkarlan baten fruitua izanen da trukaketa hau. Christian Amorena izan da abenturaren hastapen hortan, eta Olatz Idoatek harekin hitz egin du.
2025eko Apirilaren 24a
BERRIKETARIAK | ETXALAR
Ostegunetan Etxalartik Jon Azkarragaren Baztan eta inguruko berriak 9:10ean.
2025eko Apirilaren 24a
EMANKIZUNAK | ADI
Hatortxu Rock, Xatiro, Islabat, Arima Sutan, Astral Bakers, The Bug Club, Kalune, Gablé, Rest Up, Melvins, Burning The Oppressor, Heavy Heavy Low Low.
2025eko Apirilaren 23a
1981 2025
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016