KRONIKAK
JOANES GARCIA BASURCO | MUSIKA
The Smile taldea aipatuz abiatzen du urtea bere kroniken tartean Joanes Garcia Basurkok.
Radiohead taldeko Thom Yorke eta Jonny Greenwood eta Sons Of Kemet-eko Tom Skinner dira proiektu musikal honen erdian.
2023ko Urtarrilaren 13a
BERRIAK
Urtarrilaren 21ean antolatu du Uztaritzeko San Frantses Xabier eskolak mus txapelketa.
Urteko aktibitateak diruztatzeko, burasoen elkarteak du ekimena bultzatu. Eskolako bi ikaslerekin egon da Olatz Idoate.
2023ko Urtarrilaren 12a
BERRIKETARIAK | LEHUNTZE
Ostegunetan, bi astero Pierre Guillemotonia laguntzailearen Lehuntzeko berriak.
2023ko Urtarrilaren 12a
BERRIKETARIAK | ETXALAR
Ostegunetan Etxalartik Jon Azkarragaren Baztango berriak 8.45ean.
2023ko Urtarrilaren 12a
BERRIKETARIAK | SENPERE
Senpereko herriko etxetik, ondoko hilabeteko hitzorduen berri eman digu Elur Alberdik:
2023ko Urtarrilaren 12a
BERRIAK
Argi guziek badutela itzala, eta Elkanoren kasuan hala baita, Nano Pastoralaren helburua izan da Euskal Herriaren parte hori ere partekatzea.
Larunbat arratsaldean, Azkaingo Biltoki ttipi gelditu zen Ketariatik Mundura Mixel Etxekoparrek idatzi Nano Pastorala ikusteko. Pastoralaren kodeak berriz hartuta, oren bat terdiko ikusgarria proposatu dute hiru aktore kantariek, musikariez lagunduta.
Mixel Etxekopar eta Beñat Larrori aktore kantariarekin mintzatu da Arantxa Idieder, eta ondotik publikoaren oharrak bildu ditu.
Elkanoren konkistaren inguruak, Getariako biztanleen bizipenak biltzen dituen Nano Pastorala berriz eman behar luke apirilean Xiru Festibalean.
2023ko Urtarrilaren 11a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016