BERRIAK
"Ketariatik Mundura", Mixel Etxekoparrek idatzi Nano Pastorala emango dute Azkainen urtarrilaren 7an arratsaldeko 3terditan.
Juan Sebastian Elkano-k getariarrak munduaren bira egin zuenetik 500 urte ospatu ziren aurten. Horri loturik sorturik eta Elkano Fundazioari esker sortu zen proiektua. Xiberuan eta Hego Euskal Herrian eman ondoan Azkainera etorriko da. Murielle Leizagoien Galardi, Herriko etxeko kultura eta euskara batzordeko arduradunarekin mintzatu da Marga Forestier.
Nano pastoralaz gain, eta beti Elkanoren urtemugari lotua, jakin Joseba Sarrionaindia hurbilduko dela Azkainera urtarrilaren 13an, "Munduaru bira eman zion ontzia" liburua aurkeztera, Biltoki gelan arratseko 7tan.
2023ko Urtarrilaren 05a
BERRIKETARIAK | MAKEA
Asteazkenero 8:45ean, Paul Mendiburu laguntzailearen berriak.
2023ko Urtarrilaren 04a
KRONIKAK
GABRIEL DURRUTY | NATURA
Gabriel Durruty kronikariak Korsikara egin duen bidaia aipatu digu, Slow Food ideiaren inguruan izan den topaketa batean izan baita.
Italiatik abiatu kontzeptua, Fast Food ohitura horren kontra doana, Slow Food, edo goxoki jatea bainan kontuan hartzen dira ere beste elementu batzu, garrantzitsuak.
2023ko Urtarrilaren 04a
KRONIKAK
BELTZANE OBANOS | FINANTZAK
"Akatu revolving kartak" hau da Beltzane Obanosen mezu nagusia urte hastapeneko kronikan.
Revolving kartak, denda desberdinek proposatzen dituzten maileguak dira, kontsumorako edonork kondiziorik gabe erabiltzen ahal dituenak, eta nahi bezain bat. Bainan interes tasak biziki gora igotzen ahal dira %20 arte.
Momentuko plazera sortzen du kreditu txartelak, ahalmena dugunaren sentsazioa, bainan azkenean egoera lanjeros batean sartzen ahal gaitu ere.
2023ko Urtarrilaren 04a
BERRIKETARIAK | SARA
Asteartero 8:45ean Ganex Etcheverrigaray laguntzailearen berriak
2023ko Urtarrilaren 03a
BERRIAK
Trukaketa antolatzen du urtero Kanboko Xalbador Kolegioak, Tolosako ikastetxe batekin.
Duela aste bat, zonbait egun pasatzera etorri dira kolegioko Tolosarrak. Bosgarreneko ikasleen etxeetan egon dira zonbait egunez, eta maiatzean, lapurtarrak joango dira Gipuzkoako herrira.
Gure Irratiak urtero irrati tailer bat proposatzen die ikasleei, irratiak nola funtzionatzen duen esplikatzeko. Arantxa Idieder joan da, eta proposatu die, zuzenean sartzea telefonoz, Olatz Idoate antenan zelarik.
Bigarren taldearekin, ere zonbait eguneko trukaketan zer ikasi ala deskubritu zuten aipatu dugu. Bainan lehenik, bigarren talde honekin, Aranxta Idiederrek, irratia ezagutarazteko zuzenean sartu ditu ikasle gazteak, kantu eskaintzetan, Beñat Larroryrekin. Entzun...
2023ko Urtarrilaren 03a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016