Aurten zikiroa izanen da!
Angeluko bestak bigarren astean sartzen dira aste honetan. Laida Pilota ikusgarria ikusi ahal izan zuten angeluarrek festen idekitzean ostiralean. Besta komiteak bere egitaraua proposatzen du, eta ondoan elkarteek ere haien animazioak. Urtero Ibaialde elkarteak afari bat proposatzen du, eta aurten sagardotegi afaria baino, zikiro jate bat egitea pentsatu dute martxoaren 9an. 400 afari izango dira, bainan izenak eman behar dira, turismo bulegora deituz.
Jakin Ibaialde elkarteak antolatzen duen Kostalde baleada maiatzaren 18an izango dela aurten, eta aldaketa bat proposatzen dutela. Hendaia eta angelu artean egin ordez ibilaldia, Zokoatik Baionara izango dela, Lapurdiko hiriburuak duen portuaren istoriaren baloratzeko helburuarkin. Arantxa Idieder mintzatu da Ibaialde elkarteko Jean Marc Landarretxerekin.
2019ko Martxoaren 06a
Ehunka urte zituzten haritzak bota dituzte Baionan
Baionako oihan bat desagertzen ari dela salatu du CADE ingurumenaren aldeko elkarteak. Herriaren iparraldean, Sequé gune ondoan 4 hektara ta erdi moztuak izan dira. Ehunka urte zituzten haritzak bota dituzte.
Hegoaldeko enpresa batek baliatzen ditu egur horiek. Lurraren jabeak partikularrak dira baina ez dira denak jakinean gertatzen ari denaz, eta herriko etxeak gutti egiten duela oihan horren suntsitzearen kontra salatzen dute.
CADE-eko Pantxo Tellier eta Emile Diratchettekin mintzatu da Marga Forestier.
2019ko Martxoaren 06a
Adi 2019 03 05
Niña Coyote eta Chico Tornado, Guda dantza, Trigger, Leize, First Breath After Coma, Crystal Fighters, Broken Social Scene, Amanda Palmer, Hoa Queen, Stuck In The Sound, Mammoth Weed Wizard Bastard.
2019ko Martxoaren 06a
Bilketa webguneak nola funtzionatzen duen jakiteko
Marie Andrée Ouret kronikariarekin aldi honetan, Bilketa.eus webgunea nola erabili esplikatu du. Prentsa artikuluak, eta haien berezitasunak ere zoin diren aipatu ditu.
Hemen aipatzen dituen artikulu batzu: http://www.bilketa.eus/eu/bildumak/gure-hautaketa/2005-santibate-ihauteri-besta
2019ko Martxoaren 06a