BERRIKETARIAK | ITSASU
Astelehenetan 8:45ean Peio Ospital laguntzailearen berriak.
2022ko Ekainaren 13a
BERRIAK
Ziburuko euskal liburu eta diskoaren azokaren 3.edizioaren balorazioa egin dute Baltsan eta Argia antolatzaileek. "Gozamena eta baieztapena" bi hitz hauekin laburbiltzen dute aste bat berantago, Ziburun sortu duten egun bateko "euskararen errepublika".
33 argitaletxe etorri dira aurten, (iaz 23, lehen urtean 16); 1000ko bat bisitari zenbatu dituzte (iaz 700eko estimazioa egin zuten); 100 bat disko saldu dira, 65 kamiseta, zaku edo beste eta 684 liburu bederen (iaz 400 bat).
Ladix Lanouguere-Arrossagaray antolatzailearekin mintzatu da Arantxa Idieder.
2022ko Ekainaren 13a
BERRIAK
Futbolean, nazional 3 mailako txapelketa joan den asteburuan bukatu da. Angeluko Genêts taldeak lehen postuetan finitu du urtea, bainan, Baionako Avironen gibelean. Xabi Carricart, Xan Harlouxet jokalariarekin egon zen, azken jardunaldiaren aipatzeko eta sasoiaren bilduma egiteko.
Azken partida ederki irabazi dute angeluarrek 3 eta bat, hirugarren postua beraz atxiki dute.
2022ko Ekainaren 10a
BERRIKETARIAK | DONIBANE LOHIZUNE
Ostiralero 8:45ean Jamattitt Dirassar laguntzailearen berriak.
2022ko Ekainaren 10a
BERRIAK
Hartza Altzoan haurren festibala iraganen da asteburuan Uztaritzen. Herri Soinu elkarteak antolaturik, Maddi Haira eta Tomas Brillaxis animatzaileek aipatzen daukute aurtengo edizioa.
Joan den urtean izan balin bazen ere manera ezberdinez eginen da aurten.
2022ko Ekainaren 10a
BERRIAK
Bada urteak, Lapurdiko Uztaritzeko herria Gipuzkoako Tolosakoarekin senidetua dela.
Bi herrien arteko harremanek gora beherak izan badituzte, pandemiak ez du lagundu, eta gaur egun, Uztaritze-Tolosa elkartea, birdinamizatu nahi dute. Uztaritze aipatzeko, elkarteko Joana Goienetxe, Mixel Sarratia eta Peio Berhokoirigoin Bixoko elkartu ditu Olatz Idoatek.
2022ko Ekainaren 10a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016