KRONIKAK
KULTURA
Euskarara itzuliak izan diren Audre Lorde eta Agota Kristof poeta idazleen lanak aipatuko dauzkigu aldi huntan, Nora Arbelbide, Miarritzeko Mediatekako langile eta kronikariak.
Testu zatiak ere irakurri dizkigu.
2021eko Otsailaren 16a
BERRIAK
Telefonoz, linea beti okupatua da zenbaki berdea egiten delarik. Internetez, lekurik ez dela seinalatzen dute doctolib.fr eta santé.fr webguneek.
Adineko jende ainitz entseatzen ari dira, eta ez dute ulertzen nolaz hori posible den, COVIDaren kontrako txertatze kanpaina azkarra iragaiten duelarik Frantziako gobernuak.
Xipri Arbelbideren lekukotasuna bildu du Kriztof Arotzarenak.
2021eko Otsailaren 15a
BERRIAK
Kirola, lanean praktikatzea, menturaz amestu zinuten jadanik. "Activcorner" enpresak plantan ezartzen du. Ez oraindik Euskal herrian, Frantziako enpresetan lan egiten baitu mementuko, baina jin daiteke.
Paolo Cherquefosse miarritztarrak lan egiten du enpresa hortan, kontzeptua zein den erranen digu. Olatz Idoatek hitz egin du harekin.
2021eko Otsailaren 15a
BERRIAK
Erien birgaitzea erresteko, "exoeskeleto" bat erosi zuen duela zonbait aste, Kanboko Marienia klinikak.
Traumatismo ala AVC baten ondotik berriz ibiltzen ikasteko laguntza gehigarria da makina edo robota hau. Azken ikerketek diotelarik, birgaitzean, eria, ahal bezain fite xutik jarri behar dela gorputz heziketa aitzinarazteko, makina biziki lagungarria da.
Zangoetatik bizkar gain arte janzten da, kanpoko eskeleto mekanizatua, kineek manipulatzen dutena. Xabier Xohobigarat medikuaren gana joan da Arantxa Idieder, Marienia klinikara.
2021eko Otsailaren 12a
BERRIKETARIAK | DONIBANE LOHIZUNE
Ostiralero 8:45ean Jamattitt Dirassar laguntzailearen berriak.
2021eko Otsailaren 12a
BERRIAK
Odei Jainaga Eibartarra, xabalina edo "javelot" jaurtitzailea da. Espainiako errekorra lortu zuen 84,10 metroko markarekin. Bere entrenamenduak eta denboraldiaren helburuetaz hitz egin dugu, joko olimpikoak dituelarik helburu.
Alan Elissondo solastatu da Odei Jainagarekin.
2021eko Otsailaren 12a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016