BERRIKETARIAK | ITSASU
Astelehenero 8:45ean Peio Ospital laguntzailearen berriak.
2020eko Urriaren 12a
BERRIAK
Haurrekin jostatu, nola? Zer ondorio haurraren hezkuntzan?
Uztaritzeko ikastolako hezkuntza taldeak gaia ekartzen du eztabaidara, asteazken honetan urriaren 14an Maialen Torre psikologoa gomitatuz. Haurrak jokoaren gogoa duelarik, nola jokatu, edo justuki gogoa galdu duelarik zer egin. Gai ainitz aipatuko dituzte asteazken gauean Uztaritzen, 20:00tan ikastolan bertan.
Arantxa Idieder mintzatu da Maialen Torre psikologoarekin.
2020eko Urriaren 12a
BERRIKETARIAK | DONIBANE LOHIZUNE
Ostiralero 8:45ean Jamattitt Dirassar laguntzailearen berriak.
2020eko Urriaren 09a
BERRIAK
Baionako Polo Beyriseko Posta bizirik atxikitzeko, jende frango bildu zen ostegun astirian sustengu kolektiboak antolatu eztabaidan. Azkenean, eztabaida mintzaldi bat bilakatu da, gomit ziren postako arduradunak ez baitira etorri.
Langile eta arduradun ohiak, sindikalistak edota hautetsiak, hitzartze ezberdinak izan dira. Roger Arzubi Postako arduradun ohia eta Irene Irisarri Poloko posta bulegoko langile ohiaren lekukotasunak bildu ditu Kriztof Arotzarenak.
Baionako auzapeza eta oposizioko 2 talde ezkertiarrak present ziren eta ados dira, postaren atxikitzearen aldeko mozioa bozkatzeko heldu den asteko kontseiluan.
2020eko Urriaren 09a
KRONIKAK
BARATZEGINTZA
Julen Jaureguy, MIFENEC, aholku eta ikerketa zentrokoarduradun teknikoa da, hilabetero gurekin dugu kronikarentzat. Oroitarazteko da Julen Jauregik Gizarteratze lan sozial bat eramaiten duela ere, Emmanuel De Joanthok Urketan sortu elkartean, Pascal Garciarekin.
Eta gaur, berriz ere Laxia erreka bazterrean da Panpi Merkapide lankidearekin. Naturak inposatu egutegia behar dutela errespetatu erraiten digu Julenek.
Eta heldu den hilabetean Laxiako errekan segituko dugu errekako Koipuru edo Ur Garatoinekin.
2020eko Urriaren 09a
BERRIAK
Osagarri sailean, aipamen bat eskainiko dauku hilabetero, Shiatsu saioak proposatzen dituen Jone Bordatok.
Energetika txinatar tradizionalean oinarrituz, aholkuak emanen dauzkigu, aldiro, gai konkretu bat hartuz. Udazkenean berriki sarturik, sasoi edo urtaro aldaketaz mintzatu zaio Kriztof Arotzarenari, urteko bilana egiteko garai egokia delarik.
2020eko Urriaren 09a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016