BERRIKETARIAK | MAKEA
Beñat Bidegain laguntzailearen berriak.
2020eko Ekainaren 24a
BERRIAK
.j231931.jpg)
C hepatitis, GIB eta COVID 19 eritasunen detektatzeko testak egin ditaizke aste honetan (ekainaren 22tik 26rat) Baionako ospitalearen ondoan den Bizia elkartearen egoitzan. Heldu guziei idekia zaie eta urririk da. Ostiral arte, goizeko 10ak eta atsaldeko 5ak artean joan ditaike, hitzordurik hartu gabe.
Evelyne Bidart erizainarekin mintzatu da Kriztof Arotzarena.
2020eko Ekainaren 23a
BERRIKETARIAK | SARA
KRONIKAK
KULTURA
Sasoiko azken kronikarentzat, Aines Haristoyk 1903 urtean sortu eta 1981 urtean zendu zen Etien Salaberri aipatu digu.
Bilketa.eus webgunean, bere hiru testu hartu dituzte, eta horren bitartez bere haurtzaroa, ibilbide filosofiko eta politikoa ezagutzera eman. Urtetan irakasle izana, bigarren mundu gerlan preso egona, abertzale ideiak garatu zituen.
2020eko Ekainaren 22a
BERRIAK
Basusarriko ikastolak, beste ikastola ainitz bezala aterabide batzuei pentsatu behar izan du, ekitaldi guztien ezeztatzeak galtze ekonomiko nabarmena ekarri baitu. Uda honetan, garagardo eta kroketa salmenta bat egiten dute.
Kroketak, etxean eginak, udan zehar 5 aldiz manatzen ahalko direnak. Ekainaren 27ko lehen manaketarentzat jadanik 1000 atxikiak dituzte.
20 kroketa 10 euroren truk, xingarra ala bakailua, manatzen ahal dituzue 2ez1.ikastola@gmail.com edo sms-z 06.62.31.85.23.
Ekainaren 27a aitzin, uztailaren 2an biltzeko Basusarriko plazan atsaldeko 5 eta 7ak artean. Ondoko manaketak, uztailaren 11 eta 25ean eta agorrilaren 8 eta 22an izango dira.
Arantxa Idieder mintzatu da Basusarri ikastolako buraso eta bulego kide den Aize Duhalderekin.
2020eko Ekainaren 22a
BERRIAK
Elkarretaratze jendetsuak izan dira asteartean, Baionan. Osasun eta sozial mailetako langileek txalo gutiago nahiago dutela aldarrikatu dute, haatik soldaten emendioak eta lan baldintza hobeak galdetzen dizkiote Frantziako gobernuari, À¢Â€ÂœSégurÀ¢Â€Â osagarri sistemaren erreforma gogoetatzen ari denean.
CFDTk lehenik elkarretaratze bat antolatu zuen San Leon itzulgunean. Ondotik, LAB eta CGT sindikatuek elkartzerat deitu zuten, Baionako Suprefetura aitzinean.
Handik pasatu da Kriztof Arotzarena.
2020eko Ekainaren 19a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016
