Askatasun Gosez saskia ekainaren 30 aitzin manatu
Euskal Herriko 14 ekoizpen, jateko edo edateko, 50 euroko saski batean.
Aurten ere Askatasun Gosez egitasmoa martxan da, preso eta erbesteratuak herrirat itzultzean, baldintza ahal bezain duinetan bizi diten.
Amaia Beyrie saski hunen sortzaileetan izan denarekin mintzatu da Panpi Mercapide.
2020eko Ekainaren 12a
Adi 2020 06 09
Anari & Thalia Zedek, Maria Rivero, Kulto Kultibo, Izate Faltsua, The dears, Têtes Raides, Slumb, The O'Reillys and The Paddyhats, Pongo, Louis Jucker & Coilguns, Limbs, Black Palm.
2020eko Ekainaren 10a
Aek-k proposatu udako ikastaldiak moldatuak baina mantenduak
Aek-k aurtengo udako ikastaldiak egokitu ditu. Barnategirik ez da izango aurten, Xiberoan adibidez, bainan ikastaldia mantendua da. Urepelekoa ere aldatu dute, ez baita lo egiteko paradarik eskaintzen aurten; Hala ere Baiona eta Hazparnen antolatzeko dituzte udako ikastaldiak euskara ikasteko.
Berezitasun batekin, B1 mailako azterketa prestatzen dutenentzat aste bateko ikastaldia agorrilaren 24 eta 28 artean.
Arantxa Idieder mintzatu da Maite Zelestinorekin.
2020eko Ekainaren 10a
Gripe espainola Euskal Herrian edota gripearen aurkako sendagaiak euskal prentsaren artxiboetan
Bilketa.eus webgunearen kronika berriz hasi dugu Aines Haristoyekin.
Artxibo eduki berri ainitz proposatzen dituzte. Tartean, eritasunen aipamena euskal prentsan, gripearen sendatzeko iragarkiak edota 1918ko Hernaniko emazteen matxinadari buruzko bertsoak.
2020eko Ekainaren 09a
Ekainaren 8ko Makea eta Lekorneko berriak
Astezkenero, 9.10ean, Beñat Bidegain laguntzailearen berriak.
2020eko Ekainaren 08a
Hazitik lau etxaldetara eta zuen baratzeetara
"Hazitik azietara" kanpaina abiatu du baratzezain laukote batek.
Lekorneko Garro kooperatiban, hazititik, lili ttipira hazteko negutegi bat erakitzen ari dira. Lekorneko Garro kooperatiba eta Francis Larrea, Irisarriko Jean eta Nicolas Mendiboure anaiak eta Biriatuko Patrick Larrondo elkartu dira, lili ttipiak erosi ordez, negutegi horren bitartez eskuratzeko.
Konfinamendua izan ez balitz, udaberrian ukango zituzten lehen liliak, publiko zabalari ere saltzeko gisan, bainan proiektua gibelatua izan da. Parte handi bat diruztatua dute, bainan 12.000 euro eskas dituzte oraindik. Crowfunding kanpaina bat abiatu dute.
Ekaineko bukatu behar lukete negutegia, udazkeneko ukan ditzazten landareak baratzezainek, eta publiko zabalak, 2021 udaberrian erosten ahalko ditu. Arantxa Idieder mintzatu da proiektuko kide diren Argitxu Iturria eta Nicolas Mendibourrekin.
2020eko Ekainaren 02a