Ipar Euskal Herriko erreferentziak biltzen dituen euskara irakasteko metodoa
Helduen euskalduntzeko metodo berri bat aurkeztu dute otsailaren 20ean Baionan. Aek-k eta Ikas pedagogia zentroak elgarrekin lan egin dute liburuen osatzeko, EEPren diru laguntzarekin.
Ikasbide metodoarekin, ikaslea, ahal bezain laster euskaraz komunikatzeko gai izan dadin helburua du AEKk. Ikas-en laguntzarekin otondu dute argitalpen lana.
6 metodo aterako dituzte orotara, mailaren araberakoa. Ikasleentzat liburu bat, soinu fitxategi bat Ikas-en webgunean dena, eta irakaslearentzat liburu batez osatua da Ikasbide euskarri bakotxa. Hiru jada erabiltzen dituzte ikastegietan, 4 garrena urrian aterako dute.
Arantxa Idieder mintzatu da IKAS zentroko Pantxika Paternekin.
AEKn erabiltzeko metodoa da baita edozein ikastegietan ere
Joseba Garai AEKko langilearekin aipatu dugu Ikasbide metodologiaren helburua eta berezitasuna.
2020eko Otsailaren 26a
Haurrak altxorraren bila joaiteko proposamena kondaketa eta sofrologiaren bitartez
Altxorraren bila joatea proposatzen du Maialen Alfaro sofrologoak asteazken honetan Donibane Lohizunen.
Mayana Itoiz ilustratzailearekin argitaratu zuten liburu batean oinarrituta, istorio batean murgiltzea proposatzen du Maialenek, istoria biziaraziz Altxorraren Bila, eta sofrologia edota lasaitze momentuak proposatuz haurrei. Hitzordua otsailaren 26an asteazkenez Donibane Lohizuneko mediatekan, goizeko 10.30tan
Arantxa idider mintzatu da Maialen Alfarorekin.
2020eko Otsailaren 25a
Bizkaiko burdin meategien istorioa musikatua eta dantzatua
Burdina ikusgarria aurkeztuko dute ostegun huntan, Baionako antzokian.
Bizkaiko burdin meategien istorioa kondatzen dute, poetikoki, dantza eta musika flamenkarekin, eta euskal kultura uztartuz, imigrazio eta langileen mundua jorratuz. Ikusgarriaren berezitasunak, burdinaren eta harriaren erabilpena dira. Hitzordua, ostegunean, 20.30tan Baionako antzokian.
Ikusgarriaren parte den Beñat Achiary kantari eta musikariarekin mintzatu da Arantxa Idieder.
2020eko Otsailaren 25a
Eskuz Esku zerrenda izango du parean Ezpeletako auzapezak
Ezpeletan bi zerrenda izanen dira martxoko herriko bozetan. Eskuz Esku zerrendak bere hautagaitzaren berri eman digu. Yannick Jaureguy zerrenda buruarekin mintzatu da Oihana Daguerre.
Jean Marie Iputcha gaur egungo auzapezaren zerrenda izango du parean.
2020eko Otsailaren 24a
Otsailaren 24eko Azkaingo berriak
Astelehenero 8:45ean Josephine Olhagaray laguntzailearen berriak.
2020eko Otsailaren 24a
Otsailaren 24eko Itsasuko berriak
Astelehenero 8:45ean Peio Ospital laguntzailearen berriak.
2020eko Otsailaren 24a