BERRIAK
MAM haurtzaindegi bat nahi dute muntatu Lisa Garra eta Amandine Cazaux-k.
Bi lagunak, ttipitan elkarrekin ziren eskolan, eta berriz elkartu dira, euskara ikasten ari zirela, formakuntza intentsiboan. Biek ber proiektua zuten, MAM haurtzaindegi bat, osoki euskaraz izango zena idekitzea.
Bata Beskoitzen bizi, bigarrena Urketan, inguruko sektorean ideki nahi lukete beraz, 12 haur hartuko dituen Hazi Ttipiak deitu MAM hori. 120 metro karratuko egoitza bat behar dute, eta ezinbesteko baldintza da bientzat, baratzea ukan dezan, beraien proiektu pedagogikoan sartzen delako. Arantxa Idieder, mintzatu da bi haurtzainekin.
2023ko Agorrilaren 18a
BERRIAK
Ostirale gau honetan hasi eta agorrilaren 23a arte iraunen dute Itsasuko bestek.
Besta komiteak elkarlana eramaiten du Goxoki gaztetxearekin. Gau guziak gaztetxean finitzen dira.
Itsasuko besta Komiteko Haize Albor eta Goxokiko Jenofa Parachourekin egitaraua aipatu dugu.
Lehenik ostiraleko gaua, hau beti Goxokiren gain da.
2023ko Agorrilaren 18a
BERRIAK
Agorrilaren 11tik 15era, Luhusoko bestak izanen dira. Besta komite aktiboak, 60 kide ditu.
5 eguneko egitarau aberatsa aipatu digute Xania Marianne, Maialen Lazkarai eta Ellande Dupuyk.
Eta aurten kabalkada urtea baitute ere Luhustarrek, dena egin ahal izan dutela erran dauku Ellande Dupuyk:
2023ko Agorrilaren 09a
BERRIAK
127 urte betetzen dituen Kanboko Harmoniako musikariek, Anje Duhalde gomitatu dute kontzertu bat elgarrekin emaiteko. Anjeren kantuak berriz hartuko dituzte.
Tokirik ez bada gehiago kontzertu honentzat, gogoa da berriz emaitea beste leku batzutan.
Filipe De Ezkurraren bermoldaketekin, urte bateko lanaren fruitua izanen da ikusgai agorrilaren 10ean Arnagako baratzeetan.
À¢Â€ÂœLes Estivales dÀ¢Â€Â™ArnagaÀ¢Â€Â, antzerki festibalari abiapundua emanen duen kontzertua aipatu digute Laurent Bidart, Patxi Bidart eta Filipe Desperiè-ek.
2023ko Agorrilaren 09a
BERRIAK
Duela 25 urte ideki zuten Olhaldea zaldiketa zentroa, Leire Fagoagaren burasoek.
Gaur egun, bere burasoekin eramaiten du Sarako zaldiketa zentroa Leirek, 40bat zaldirekin. Aste honetako Hostokada emankizuneko gomita izan dugu.
Olhaldea zaldiketa zentroa aurkezpena, Zaldiaren izateaz, haien arteko komunikazioaz, edota zaldi konpetizioetaz aritu dira Arantxa Idiederrekin.
2023ko Agorrilaren 04a
BERRIAK
6 Artzain, 6 xakurrekin, ostiral honetan Itsasun urte guziz antolatzen duten artzain xakur txapelketa proposatzen dute berriz ere.
Murtutsenea elkarteak antolaturik, usu turistek preziatzen duten hitzordua baldin bada ere, lekuko jendeak gomitatu nahi izan ditu Gratien Urruty antolatzaile eta Arantxa Idiederren gomitak.
Artzain xakur txapelketa, Itsasuko atharrin, agorrilaren 4an arratseko 7tan, gaueko 9ak arte gutti gorabehera.
2023ko Agorrilaren 03a
1981 2024
Gure Irratia 1981ean sortu zen Milafrankako etxe batean. Ondotik, Baionako Passemillon karrikarat eraman zituen estudioak eta hortik Poissonerie karrikarat. 2006ko apirilean Gure Irratia Uztaritzera jin zen Landagoien gunera, baina 2006ko abenduan izan sute batek, egoitza guzia suntsitu zuen. Berriz ere obrak egin artean, Gure Irratia, Uztaritzeko herriko etxeak prestatu egoitza batean egon zen eta 2009ko azaro ondarreko gure lehengo egoitzarat itzuli zen. (Ikusi Kanaldudek zabaldu zuen erreportaia: SALTOK: Gure Irratia... azkenean etxean!)
Gure Irratiak 8 langile ditu denbora osoz urte osoan eta laguntzaile sare zabala du.
Gaur egun 30.000 entzule ditu Gure Irratiak eta 106.6 eta 90.5 frekuentzietan entzun daiteke.
1999an, Euskal Irratiak-en federazioa sortu zen. Hor biltzen dira, Baxe Nafarroako Irulegiko Irratia, Xiberoako Xiberoko Botza, berantago sortu zen Hendaia eskualdeko Antxeta Irratia, eta Gure Irratia ere. Programazioaren parte haundiena 4 irratien artean kudeatzen dugu, eta oren batzuk ditugu irrati bakoitza bere aldetik aritzeko.
2009 | Egoitza berritura itzultzen
Gure Irratiaren egoitza osoki suntsitu zuen sute batek, 2006ko abenduan, Uztaritzeko Landagoien auzoan. 3 urte luzeen ondotik, azkenean, egoitza berri berrian sartu dira langileak. Gomita: Ihintza Arrieta kazetaria. Aipaldia: Ttur Ttur Tur encierro ttiki. LasterK: Lehen partean, Maialen Berterretxek Patxi Sallaberry Baztandarrak mendizale elkarteko kidea errezibitzen du. Erreportaia: Donibane Garaziko Garatenea trinketa pilotazalez betetzen da astelehen guziz. Partida denboran, jarlekuetako giroa jasta ezazu.
(Milesker Kanaldude-ri egindako bideoagatik)
Gure Irratiak 40 urte!
Diru bilketa kanpaina baten bidez, urtarrilaren 31ra arte – Gure Irratiak euskararen presentzia bermatzen du Lapurdin.
Gure Irratiak rol soziala badu, Euskal Irratiak sareko irrati guziek bezala.
Zuen beharra badugu, beti, kalitateko irrati bat eskaintzen segitzeko, materiala berritzeko eta laster etorriko den DAB+ irrati numerikoari doakion materialaren erosteko.
Gure Irratia - Landagoien - 64480 UZTARITZE | tel: 05 59 59 30 01
Legezko oharrak | Diseinua eta programazioa iF Diseinuak - 2016