Irailaren 26 honetan jokatuko da Arbonako Bil Tokin, Joko berriko lehiaketaren finala esku huska. Taberna eta Paraxu, Chapelet Housset eta Etxeberriri lehiatuko zaizkiete goizeko 11etatik goiti. Arbonarra izanki, partida arras berezia izanen da Allande Chapelet Houssetendako. Hala ere, badaki zer den etxekoen aintzinean irabaztea, iaz eraman baitzuen Arbonako txapela. Kasu, haatik, multxoko partidan jadanik elgarren kontra ari izanak baitira bi pare hauek eta preseski Taberna eta Paraxuk irabazi zuten. Allande Chapelet Houssetek dio partida hura analisatu dutela eta prest daudela.