Astelehena
2026ko ekainaren 22a
Baionako bestetan, aurten ere gune alternatiboa izanen da Patxa plazan. Hori aurkeztu zuten musikaren besta kari Zizpa gaztetxekoek.
Uztailaren 15etik 19ra Baiona besten giroan sartuko da.
Giro herrikoi eta euskalduna izanen da peña desberdinetan, Karrikaldin, Laborarien xokoan, Gune gorrian eta aurten lehen aldikotz Gure Irratiak animatuko duen Montaut plaza, Gure Plaza bilakatuko baita.
Patxa plazan ere, Zizpa gaztetxeak antolatzen ditu Besta Alternatiboak, egitarau anitzarekin.
Musikaren bestaz baliatu dira, Montaut plazan, besta herrikoi, transfeminista eta euskalduna aurkezteko. Barrrk, Frigo, Mizelium, Patxi ta Konpania, Moira Krank edo Kalume bezalako taldeak afitxan dira.
