Asteazkena
2026ko apirilaren 22a
Har(h)itza hitzaldi-zikloaren baitan, UEU eta Seaska elkartu dira Baxoa euskaraz pasatzearen aldeko borroka erdigunean jartzen duen hitzaldi horren antolatzeko.
.gif)
"Baxoa Euskaraz! borroka: zertan da?" solasaldia antolatu dute UEUk eta Seaskak Har(h)itza hitzaldi-zikloaren baitan. Asteazkenean, apirilaren 22an, 19:00tan, Baionako Etxepare lizeoan, bakoitza bere lekutik ariko den hiru hizlari jarriko dituzte ondoan.
Amaia Rodriguez Aguirre (Etxepare lizeoko irakaslea, ikertzailea), Aitzol Gil de San Vicente (ikasle ohia, militantea) eta Erik Etxart Salaberri (Seaskako lehendakarietako bat) ariko dira solasean, Ekhi Erremundegi Beloki kazetariak animaturik.
